20190613 - 台北HEA遊

尋晚買水果時, 叔叔話今日肯定大雨...
所以...我倆連鬧鐘都唔set...訓到自然醒就算lu!

肥人今次來台, 打算要買 LSY 林三益既化妝掃...
以為百貨公司會有..點知最後發現酒店附近有專門店..
又碌去買左掃先..hahaa!

老公一見到林三益間鋪面就呆左..
因為只見到一堆毛筆及一個老伯係店內
仲問我肯定呢間?
係呀係呀...人地林三益係毛筆起家..
近幾年先開始生產化妝掃喔!

幫朋友買了兩套底妝掃...
肥人自己就買支碎粉掃...

買完掃行返酒店先...
由於我倆都太餓啦...去7-11食野....

茶葉蛋..好好食呀!

仲有甜不辣..都好好食呀!!!

填左少少個肚..又起行啦!

打算去中山站附近既百貨公司食下野行下就算...

由酒店行過去大約十至十五分鐘左右...

中途見到三元號魯肉飯...心思思又入左去開餐..haha!

order左魯肉飯, 排骨湯及蒜泥白肉......

呢個蒜泥白肉唔似平時食開既味道喔...不過都好味道既~

食飽飽又繼續向中山站出發啦!
全日都天陰陰 >_<

先去誠品生活南西店入面既Flipper's...
好方便呀..scan 就可以拎位....
有位時仲會由電腦系統打比你..

拎左位..我倆又周圍行下....
大約半個鐘左右就有位....

我倆都半飽...order一份就夠啦!

齊齊飲Coffee...hahaha

等餐期間有人投訴...連肥人媽媽都已經msg左佢..

肥人都無任何表示...

哎呀...我而家咪帶你食cake囉...

(是日只係舊曆生日呢)

食飽飽先去門口欣賞生產過程..hahaa

好可愛喔....

行左去誠品....老公又睇車雜誌..

而肥人又東摸摸西摸摸

仲買左張生日片寄返比肥人個好朋友仔...

呢位好朋友仔...同肥人老公同一日生日....
而呢兩個人...成日都以激死肥人為目標 ~_~"