周圍食@榴槤

之前同朋友去食放題...又掛住食就忘記左影相...

由於臨時約,就揀肥人同老公分別都食過既餐廳

魚生都幾ok的...人又不多...

(即日book到既都唔會太full掛..)

(其實可能係荃灣太多野食啦)

今次肥人發現餐廳有榴槤雪條食~
即刻食番條先...

嘩...超好食呀!!!

好濃郁榴槤味架真係!

就係呢條雪條, 肥人對呢家放題念念不忘呀....

有日, 肥人c9又係超市走黎走去......
突然見到雪櫃入面有榴槤雪條呀!!


特價26蚊有6條...好抵食喎!
雖然唔知同放題食的一不一樣...但都照買左先!
回家開黎食, 發現係一樣架!!

太開心啦!!!太開心啦!!!太開心啦!!!

放題可以byebye啦...我自己買雪條返屋企慢慢嘆..哈哈!

呢個夏天....肥人都食左不少榴槤甜品....

有日又去左間新開不久既甜品鋪...

嘩...有榴槤呀...

肥人流晒口水地...買左一個返屋企慢慢嘆!

紅豆湯加珍珠丸子再加芋圓....
重點係榴槤球...

嘩.....幸福感level upupupup

 榴槤球好好食.....
好香濃好軟滑, 真係好似食緊榴槤咁...
幸福到肥人呢....真係有對翼飛緊上天...

當然..有幸就會有不幸!
老婆既幸福就變左老公既不幸...wahahahaaaa

當我食榴槤球時...老公呢~?
佢覺得廳已經不宜久留...衝左入廁所沖涼...
想避開我d榴槤呀..haha

點知.....佢突然係廁所大叫....
你d 榴槤好勁呀....
我地廁所個抽氣扇真係好work 呀!
.
.
.
.

因抽晒廳既榴槤味入廁所呀...wahahaaaaaaa

(其實肥人有問准老公可唔可以買榴槤返屋企食架, hahaa)