20180318 - 閨蜜首爾快閃遊 I

第二日我地去睇捧球~

肥人其實都想睇好耐架啦, 不過一直都搵唔到機會~

今次朋友好有興趣, 係香港已話要去睇!

朋友話12點有一場...只要係開場前早一個鐘去買飛就可以啦!

我地十一點半左右到達蠶室綜合運動場棒球場 ....
行到去售票處見到好多人排隊喎!

問下排緊既人係咪等買飛就去排啦....

點知...唔太對路喎!!

12點正都未開始賣飛~?

上網再望下...原來係1點呀!

售票處有部電視係度顯示資訊, 肥人估係12:30先開賣呢~

又等等等等等....等到12:30...真係準時開賣!

朋友說只係想入場感受下氣氛, 所以買左最平又最遠既位!

 買完飛又周圍行下先!

埸外好多小食檔賣燒魷魚啦, 紫菜包飯啦, 炸雞啦

肥人同朋友買左一包魷魚同紫菜包飯打算入埸食~

館外有記念品賣架...肥人後悔唔買番件捧球外套呢~

店外仲有職員會即場幫你印名架!

是日肥人欣賞既係LG Twins vs Doosan Bears

蠶室綜合運動場棒球場係LG Twins同Doosan Bears共同既主場黎!

連坑渠蓋都係捧球呢~

行左館外一陣就決定入埸啦...反正都無野可以行~

入左場見到...依..好吉喎!

再望下張飛...依....兩點先開波呀喂!!!

仲要等多一個鐘呀..點解會咁架~?

兩個唔知頭唔知路既傻瓜, 足足浪費左半日時間呢!

等候期間會見到球員練習, 跑步!

仲會有球員將球打去觀眾席送比觀眾!

呢個球員好受歡迎, 好多歡呼聲呢~

準時兩點正開波!

球迷都好合拍地買回支持隊伍附近呢....

Doosan Bears 啦啦隊就係我隔離....

會見到球迷不停地打氣, 現場氣氛真係好好架!

我地真係買得太遠既飛啦...下次一定要坐近點!

雖然肥人對捧球規真係一無所知

不過欣賞完呢場捧球賽, 肥人大約知道玩法啦, haha!

睇左個半鐘左右我地就決定走啦....

 先去便利店買野飲....

肥人起初以為係檸檬蜜糖...點知係...無蜜糖!

不好飲不好飲!

朋友話首爾奧林匹克主競技場係隔離, 我地又行去望下!

是日有馬拉松賽事, 不過已經散場了~

行番去綜合運動場站就坐兩個站去石村湖望下有無櫻花啦~

綜合運動場站內公共設施都是捧球呢~