20171128 - Iron Wedding Trip@Tokyo II

大湧谷其中一個目的, 係遠眺富士山.....

本以為天氣好好, 以為一定無問題啦!

點知.......

雲多到呢..........根本完全遮住成個...富士山!!

由於好大風, 肥人見雲其實都吹得好快...

所以不死心, 企係最佳位置等+食風....

等等等等等...

最後..食飽風既肥人決定...放棄!

太大風啦, 手都凍硬左啦.....

等到見到山頂....就決定走啦...返室內暖下先!

係室內行左, 再同大湧谷Kitty影左陣相, 就行去坐纜車啦!

點知見到呢個畫面...

即刻衝番去最佳位置度影影影....

影左一輪, 終於滿足啦...

去坐纜車啦, go!!

完全不用排隊, 到左纜車站就可以直接上車啦~

好快就到左桃源台啦...

趕到海賊觀光船去箱根町港啦!

開船.....大約要坐半小時....肥人訓陣先~

海賊觀光船有幾款唔同船架....坐邊款就無得選啦~
撞岩有兩款船泊左係桃源台碼頭...要影下先得~

天氣好好呢...

仲見到少少富士山...無雲遮住架, yeah!

訓左半小時就到左啦.....落船去!

我地坐既船, 其實都好靚呀!

箱根町港整體既感覺係-好舒服, 好寧靜!
唔知係咪因為淡季既關係, 全程發現遊人其實不多~

碼頭既盡頭都係影相靚位~

一離開碼頭就見到又黃又紅既葉.....靚呀!

一出碼頭就聞到陣香味....係炒魷魚同烤粟米

買左魷魚食....好濃味既醬, 不過魷魚幾新鮮, 都幾好食!

食完魷魚我地就向元箱根港方向行啦!

突然見到有雪糕賣...肥人要食!!

超多味道揀~

其實係鮮果甜乳酪之類既野....

水果夠香甜, 杯雪糕變得更好食!!

食完雪糕先繼續行~

凍冰冰食雪糕...都幾happy, hahaaaa

上網睇介紹, 建議直接用走路方法來往元箱根港到箱根町港
因會途經逛杉木林蔭道+箱根關所及從箱根關所

好快就到達杉木林蔭道....

遊人不多, 我倆慢慢行慢慢欣賞!

肥人覺得身處於杉木林蔭中, 感覺好舒服好寧靜呢~

途中見到變色中既葉..又影左陣~

遠處紅烏居就係箱根神社啦!

好快我倆就到了元箱根港啦~

下篇繼續!