20171126 - Iron Wedding Trip@Tokyo II

行行下去車站覺得...依...我倆未食晏呀!
而且我已經好餓啦!
老公睇下地圖, 見附近有少少鋪頭, 不如行去睇下!
點知..搵到間食素既拉麵....唔制, 肥人要食肉呀!!!
最近我們搵到間博多拉麵....
先買飛...再坐好, 職員會行埋黎收張飛架!

有牌教你點食~

肥人同老公點左一樣但一碗多隻蛋既~

好味道!!

呢款口味先係我倆喜歡既口味呀!!

 呢間博多一瑞亭, 希望下次再有機會食你啦!

拉麵店對面就係車站啦, 都好方便既!

食飽飽出發去新橋啦!

去到新橋就買海歐PASS...點知根本唔使!

出發去台場啦!!

好快就到達左青海站啦!

我們要去睇車展呀...哈哈!!

好古舊既款呀!

有好多車架,不過肥人就無一部部咁影....

只影特別既!

2樓有未來車車展呢~

呢度好大, 好多野睇, 岩晒老公呢~

肥人無老公睇得咁入神, 自己坐埋一邊慢慢嘆熱飲先!

呢支係肥人係日本飲得最多既....

酸酸甜甜幾好飲架, 加上係熱!

老公終於睇完呢PART 既車, 我們就出發去睇老爺車啦!

都係免費既...

呢部發光似未來車多少少呀..哈哈!!

呢部好得意呀..哈哈!

呢部肥人覺得肥肥地, 好搞笑!

仲有賽車睇下...仲有介紹出左幾多次賽架!

睇完車展, 我們就去睇下女神像啦!

呢個半月似咩呢~? Sailor moon 呀!hahaaaa

夜影果然好靚呢~
仲可以睇埋彩虹橋呀~

睇完夜景就轉去睇高達啦~

坐車去台場站!

一行到去聽到聲即行快兩步~

原來已開放表演....老公話miss左就要等多半個小時左右...

不過好彩睇得切!

成隻高達不停地跟劇情轉色!

完左場後就只有部份地方會轉色!

老公左影影右影影.....男人既浪漫嘛~

呢個商場真係好彩有高達...哈哈!

有幾層都有高達睇呢~

最後我們去到頂層既高達館再睇!
細佬叫我買高達給他, ok, 睇睇先!

老公又係門口既櫥窗睇多代高達....

一隻隻慢慢睇呀.....

肥人用一個小時行完整個高達館, 老公仍然係門口櫥窗.....

男人的浪漫!!

 睇到人地關門啦.......

之後我地就坐車返汐溜啦...去睇聖誕燈飾呀!
可惜去到又岩岩開左場....趕不切啦!
唯有有天橋影兩張相就算啦!

之後就上頂層睇下夜景.... 

叫做睇過東京夜景嘛, hahaaaaaa

 日本真係好中意用藍色做燈飾呢......

汐溜食的不多, 唯有返池袋搵食啦!
去便利店買個飯團再去行車啦~
呢個飯團好味道!!

老公上網搵池袋有什麼吃~
搵到間十一點關門的...
英文餐牌是需要問的!

老公點了炸蠔, 我點了炸豬扒!
由於即整, 等既時間會耐少少!

豬扒肉是淋的, 肥人喜歡!

呢餐飯, 成餐都同老公鬧交!

原因係: 十一點關門但已經差不多十點我們先到!

老公話人地門口個牌未轉就照入得啦

我話人地日本人唔同香港, 係十一點正關門係指執好所有野換衫放工!

而唔似香港十一點關左門再執野

他又說餐廳未轉牌就可以!

他都不明白人地日本既規定!

全家店都是日本老人家, 人地可能不知道點同我們講先比我們入黎坐

我們入內後有職員就立即去轉牌了!

老公又覺得老人家唔會連一個no 字都唔識嘛?

肥人覺得日本人會想解釋比你聽點解no ma

但他們根本不識英文.....

老公仲覺得仲有半小時可以慢慢食.....

最後係肥人ee哦哦下, 老公快快於十五分鐘內完成晚餐就走了!

太不好意思啦!!

有時肥人真係好嬲我老公點解唔好好做功課?

每次都是一樣!!!

老公食飽後說了句: 食物幾好, 但係食得急囉!

肥人嬲嬲指數upupupupupup!

肥人要推介下呢間餐廳!
如果下次大家來池袋可以試下~