小計劃大工程@廚房篇

十月真係過得太太太太太快啦!

一整個月竟然無出過卜.......... :P

肥人搬左之後, 時間唔算太夠用呢....

放工趕返去買餸, 回到家都7:30之後呢....有時八點才回到家~

坐一陣就準備煮飯啦....老公大約9點至9點30分返到...

食飽飽都10點多....肥人休息一下就會準備沖涼訓覺....

暫時還在適應中, 加油呀肥人!

------------------------------------------------------------------------------------

廚房, 是肥人全個屋企最緊張既部份!

始終用既係我自己....

又由於廚房細到不得了

 如何將肥人要既廚具通通塞入又是一個大學問呢!

肥人上網找了很多差不多大細作reference.... 

開工前模樣:

除水龍頭, 牆磚及地磚會保留, 其他通通都會拆!

(蠢了, 本來想抽油煙機靠近窗才把煮食爐換位

現在就有問題啦....開門就見煮食爐

風水上有問題呢

而且開窗會有風, 搞到火不太穩定, 唉!)

廚房算簡單, 拆除後等廚櫃好了就安裝啦!

很討厭的煤氣標喔!!!!!

大大浪費左個廚櫃呢!

搬來頭一日發現.....開關制壞了!!!

好在是夏天, 我仍可用冷水沖涼呢~

第二日即打去煤氣公司, 好快就安排到師傅來啦~

廚櫃個工作台, 老公想選淺少少既雲石!
肥人都覺得幾好...行了大約十間雲石鋪就決定了灰色啦~

點知...師傅話呢款石太多花紋, 會易碎裂烈..

而且是淺色, 容易"食色"變成一撻撻, 不太建議我們用呢~

他給了我們4款選擇:

雅士白是最接近的, 但現場睇其實很很很很很淺....

再想想, 白的其實都好顯dirty的!

最後....肥人決定用黑金沙算了!

廚櫃好了就可以買鋅盤啦...揀左個平價鋅盤...

3百多元而已......會唔會太平~?

有了鋅盤尺寸就可以界雲石啦!
師傅幫我揀左大大粒既金沙呢....會閃令令架

至於爐頭呢, 我都考慮左用明火定電磁好!
最後都決定用番明火....揀左個最平既爐...
(都要4千幾五千蚊!!!)
到我買左爐...TGC竟然出Kitty 爐...係同我買果個係同款!

粉紅色好好好好好靚...

師傅話可以同款SIZE係一樣...

可以幫我問問改唔改到買Kitty爐..

但我個工作台係黑色架....唔襯呀!

最後放棄左..... ;(

洗衣機我地揀左金章, 好多朋友都話好用!

其實肥人唔中意大眼仔, 但由於地方有限...無奈!

第一次試洗...好多泡泡呀,睇到肥人眼都突埋....

會唔會爆架~?haaaaaaa

原裝廚房門..我拆左...

因我覺得太浪費位置啦..改左巴士門!

慳位好多呢.....

搬前幾日...入去清潔時肥人發現以下問題:

鋅盤甩底呀甩底呀甩底呀....

師傅話過幾日黎整...點知即日已經甩左半塊落黎啦!

師傅話其實係無太大用途既, 只係防漏水之類only~

廚櫃太高啦....(其實係肥人太矮)

呢個係肥人既角度.....唉!!!

矮仔無野講!!

封邊既膠邊甩左........師傅都係話過兩日黎整番...

而家已經整番好左架啦!

好....帶大家參觀下完成圖!

入門直望煮食爐..真係要搞搞佢!

淘寶買左支架可以掛野...好正好方便, 大推介呀!

雪櫃上既架係Ikea 買既...大約300蚊...

因為急住要, 無淘寶呢~

都係放下雜物

又係混亂既一篇添...hahahaaaaaaa

下篇介紹廁所!