20170813 - 澳門家族遊

唔好比佢停..繼續家族遊先得!!!

由於有老人家...所以八點多就起床啦!

老人家們九點左右就來我房搵我啦..哈哈!!

齊齊去左飲茶做早餐....

(其實我想去熟食街市的, 不過老人家話要食燒賣)

酒店隔壁有間酒樓, GOGOGO!

食飽飽就返上房執野準備CHECK OUT啦!

BYE BYE靚景~

酒店大堂其實都幾靚...用紫色花做裝飾!

放低行李, 我地就出發去大三巴啦!

日頭既李錦記!

大三巴...人多到.......

又夠熱.......我推住媽媽行得好辛苦呢!

已經夠迫...加上好多自由人左穿右插...

上到牌坊, 人人都無電啦!

即刻飲番杯凍飲涼涼先!

是旦影左幾張相就走啦...太曬啦!

其實都已經差不多12點...hahaa

去食蝦子麵先!

去到餐廳要排隊......餐廳好好人

 安排近門口既位比我地, 方便媽咪慢慢行又行少幾步!                  
肥人同老人家們同台.....點左4個蝦子麵, 一個牛腩撈麵
一碟炸雲吞同炸鯪魚球!

雲吞好好食, 肥人中意!

鯪魚球都好好味....特別係個醬啦!

蝦子麵好好好好香...食落都好味!

媽咪好中意, 食左成碟...

不過真係好好好好細碟呢...肥人食一碟都不會飽!

後來..老人家見別人有豬手食
又吵住要order....人多(老人家)蝦人少(肥人一個)..

唯有就範....好啦!!!

食飽飽, 呢餐3百蚊!!!

食飽飽就去左買手信啦....買完就返酒店!

不賭錢的在酒店大堂休息...

賭錢的..當然是賭場啦!

係酒店大堂HEA到4點幾左右...

就坐的士出發去今晚食飯既地方啦!

BYEBYE LA 酒店!

係舊葡京落車集合!

時間仲早, 妹妹話要去永利走走..

又各自行動!

老人家們又去賭埸....

(其實老人家們都沒下注, 去賭埸睇別人賭...)

差不多六點就去吃飯啦!
今次去吃米芝蓮食府!

前菜都幾碟, 有拍青瓜, 雲耳及鴨舌!
麻辣的, 好正!

呢餐飯是由大廚寫菜單的....

有蒸大聖子, 唔UM好味!

唔好鬧肥人食翅呢....不過老人家喜歡就吃一次啦!

有龍蝦伊麵.....龍蝦爽口彈牙..好食呀!

有炆牛腩....超級好吃呀!!

肉好淋滑又好夠味, 肥人打包回家再煮給老公吃!

都仍然淋滑呢!

上湯莧菜, 好清甜
好快就被我們清左...
快清既原因係: 大家黎澳門兩日都吃得少菜

甜品係綠豆沙!

其實仲有清蒸游水龍利, 香脆咕嚕肉及黑白胡椒雞..

咕嚕肉又是超級好吃的!

食飯期間我地請餐廳幫忙CALL的士...因趕船呢!
最後餐廳幫我們CALL了兩部7人車....
服務超好, 又好好禮貌!!

來了澳門兩天我坐了不少轉的士 (因媽媽行動不便上不到巴士)
大部份的的士司機態度都很差的, 又沒禮貌!!

由於班船十分爆滿, 而且上層才是普通位!
媽媽被升級坐商務, 陪媽媽坐商務的是爸爸呢是次!
(因媽媽上不到上層)

順順利利訓到回香港啦, 哈哈!!!

是次的一行十二人既家庭旅行完滿結束啦!

老人家們人人都話開心!

那肥人就放心啦!

是次澳門之旅, 肥人都有一對耳環作收獲呢!
是肥人人生第一朵山茶花~
謝謝妹妹送生日禮物!