周圍食@海皇粥店

有無以為自己眼花?

海皇粥店都要寫食評?

是咁的.....海皇粥店冬天時推出左粥底火鍋呀!

係咪好勁呢~?

是夜, 朋友話想試...肥人就陪食啦!

本來期望不太大架....叫做試下就算!

我點左莞茜皮蛋粥底...朋友點左南瓜粟米粥底~

粥底比較稀但味道幾好~

由於手工不夠, 又因晚飯時間突然坐滿人...

單...好亂呀!!

得一個經理黎幫你落單...廚房一位姐姐執野食...

經理幫你落完會即刻入去廚房叫姐姐執...

搞掂一台客先再幫另一位落ORDER...

我倆都乖乖等左陣....

經理會記得你有講過要落單架....做完其他客就會自動行埋你度!

 經理比左4PACK 牛肉我地...我地以為比多左...
睇番個牌..依....真係兩PACK 牛架喎!
即時覺得HKD75蚊一SET好好好好抵食呀!!!
牛肉望落都不錯呀!

另外就一盤餸...有菜, 有豆腐..
最驚喜係有3粒手打丸呀!!
最最最驚喜係好食架呢3粒丸..哈哈!

可以揀配麵或油條...我地都揀麵....

後來發現...應該揀油條嘛~?

不過算啦...經理太忙....廢事換啦~

肥人同朋友仲加左8蚊每人要左杯檸檬意米水添~

食晒所有野就煮麵啦.....朋友先煮!
朋友突然雙眼發光地望住我, 講左句: 個麵好正呀!
朋友既南瓜粟米粥加埋公仔麵...原來係夾到不得了!!
個粥煮完肉呀丸呀菜呀已經非常甜!
再煮公仔麵, 估唔到係非常之夾非常之好食呀!!!!
雖然望落好唔開胃......但真係好好食呀!
我地一路食麵一路話好好食...
明明已經超飽都忍唔住不停食麵呀~

食飽飽先比錢走人....

原價$75, 經理收我$156...

原來ORDER兩個火鍋會平十蚊呀, 好抵食呀!

海皇粥店邊爐真係好驚喜呀!