20161124 - 木婚之旅@釜山 II

Day 5 Part 2
梵魚寺--> 海雲臺

是日溫度: 7 ~ -1

坐巴士離開梵魚寺, 落車後見到好多鋪都開左門啦...
有超市...好平呀蘿蔔同菜...
11月嘛, 醃泡菜既日子~

由於係呢個站附近既食物我人都興趣不大...
所以我們就向海雲台出發~
其實不順路的...不過今日是最後2日啦...不去明天更不用去啦!

行左好多個間...終於到海雲台~

午餐打算食醬油蟹...老公上次係首爾食過覺得好好食..
所以今次都有興趣呢~
跟地圖去搵先...

海雲台呢個站好多HOTEL...又好多...MOTEL...哈哈!!!
仲有好多住宅!

跟住地圖行...點知.....

成座建築物唔見左!!!

依....搬左? 執左?

搵來搵去都搵不到...

上網又慢...又凍...

最後我們去左附近間酒店嘆下暖氣, 順便試下有無FREE WIFI

因為真係好好好好好慢呀LOAD 得!

最後WS左同事幫手....她們上網查到地址都跟我資料一樣呀!

OH...搞左成個鐘頭...都係得個吉!

好彩肥人都有兩手準備, 決定轉場去食韓燒算啦!

雖然尋晚食左...不過算啦...搵唔到醬油蟹嘛~

而且我倆都超級餓呀!!
已經快3點啦....午餐都仍然未食.....早餐只SHARE了份麵包!
跟住資料, 好快就搵到1970 伍班長烤肉(오반장)

可能3點多...不用排就可以入去食啦!!

太好啦!

我已經餓到差不多暈...唔理三七二十一...點食物先!
點左兩款肉一個湯.....

肉呀...上網查過, 最好食係豬頸肉
再點一份唔記得什麼肉...可能是5花腩可能是梅肉...
我已經餓到忘記左...只想快點有肉食!!!

點了大醬湯....是次是肥人食過最難食既大醬湯...

太杰了......

飯有煎蛋...好快就被肥人掃得7788 啦!!

肉要燒嘛...飯現成呢..哈哈!!!

有蛋食...加左蔥真係香好多呀!

明星簽名~?

天寒地凍...應該不會坐外面掛~?

食飽飽, 好滿足地出發去海灘吹風啦~

已經入夜啦......
無想像中大風...涼涼地都幾舒服!!
上次下午來, 今次黃昏來....夜景靚過日景呢~
可惜睇不到日落啦......不過有少少都算啦!

 

老公話要行去the bay 101....網上有人說夜景好靚...
來到後...我話: 老公...你被騙了..哈哈!

其實真的還好....我都說跟我去上次睇過既橋, 那邊仲靚呀~

用IPHONE 影相最麻煩既事發生左啦....請看下兩張圖:

發現未買手信...附近又有HOME PLUS, 不如去買啦~
反正有時間又沒行程!
重點是又未餓嘛...哈哈!!

肥人第一次來HOME PLUS....

妹妹奶奶愛吃這類小食....加入白飯一齊食好好食架!

真不知道要買什麼...
樣樣香港都有...大家常去韓國, 好多手信都食過見過過吧?
最後肥人見有限定既抹茶及香蕉朱古力餅...
好.....買!
應該算新掛~?不會撞掛~?

醃泡菜用品...真想買一個回去..哈哈!!!

係HOME PLUS 睇下玩下買下就一個鐘啦!

埋單時....老公竟然無用信用卡...直接用現金!!

7百幾蚊港紙呀..點解唔用卡~?

最後我們只餘下.....不夠十萬韓元!!

唱錢地方又不多.........晚餐都未食呀.......

比我哦左一輪既老公.....最後都照原定計劃去食醬油蟹!

(妹妹上網找左另一間醬油蟹..但當時已經食緊燒肉, 所以決定晚餐去)

離開HOME PLUS, 係冬柏站上車~
去廣安站食李夏姃醬蟹이하정간장게장
9點鐘去到.....全場都無人! 依...莫非已經CLOSE?

老闆娘起初都有少少愕然..可能心諗咁夜都有客人來...
不過她好快就回神....即刻招呼我們入內...

老闆娘問我們是不是香港人...

然後她會把手機給我們看, 因為有英文MENU...

好快就揀定餐啦.....

等左陣, 阿豬媽笑容滿面地快速上菜....仲會擺盤添架!

主角呀....醬油蟹, 好味道!!

前菜送辣蟹, 被肥人清碟!

 

第一次食醬蝦...當生蝦般食就可以!

味道都有少少似架!

有炸蟹....正呀!
外脆內軟的, 好好食!!!

紫菜肥人用來包蟹膏同飯, 好好食!

大醬湯就咸左少少......淡番少少會更好!

又有煎魚...又係肥人自己食!

粒粒飽滿既韓國飯...YUMMY!

上完菜不久....

老闆及所有阿豬媽都坐係附近台睇電視, 飲酒同傾計!

雖然老闆他們都沒催促我倆......

但肥人同老公都不敢放慢速度來慢慢嘆呀!

我們都覺得不太好意思!

完全無停手無停口地不停食呀食呀食!

差不多尾聲, 開始有阿豬媽離開啦...

肥人同老公都沒不久留啦, 食飽飽就起身走人啦~

老闆娘好好, 笑容滿面地收錢, 仲問我好不好食...

如果下次肥人再來, 一定會早少少啦..哈哈!!!

肥人: 廣安站有條廣安大橋係釜山重點景點之一喎, 

都來到廣安, 要不要行去看看?

老公話他上網查過資料看過圖, 

覺得同青馬大橋差不多....加上今晚真係好凍...

去看橋要去沙灘那邊.......一定凍上加凍...

最後...我們決定放棄個大景點, 返酒店嘆士多啤梨仲好啦!

來釜山幾天, 都沒見過...所以係HOME PLUS見到, 立即買一盒

一盒有24粒左右.....上下層各12粒~

上次肥人同朋友櫻花期來, 士多啤梨是很多的...

就算街邊小檔都有得賣

估計未開始當造....

抱住一試心態買一盒試試!

點知, 好吃到不得了!!!!!非常甜呀....

買時老公問肥人今晚食得完整盒嗎?
最後....連老公不愛士多啤梨都忍不住食左十粒

食左士多啤梨, 肥人覺得釜山之旅好完滿呢~

Day 5 完