20161123 - 木婚之旅@釜山 I

Day 4 Part 1

甘川洞文化村 ->札嘎其市場->BIFF->龍頭山公園->光復路

是日溫度: 12 ~ -1

釜山比慶州暖少少...是日最高12最低係...-1~

其實都不算太凍~

今朝食韓式早餐~

呢間店是24小時的....我見門口有包飯既圖片...不如試下~

入到小店....依...得全韓文餐牌仲要無圖片~

不過阿豬媽好好人, 佢肯跟老公出去門口睇圖...

 最後成功點左包飯同一碗麵~

個湯好清但其實好好味....包飯即點即做...飯微暖紫菜脆口的

我倆都好滿意韓式早餐呢~

食飽飽我地就坐去甘川洞文化村

好多人會選擇: 土城站(Toseong)的6號出口再搭乘2-2、1、1-1

但上次我去時, 係土城站只有企位了....

去甘川洞文化村是要上山的, 企位比較辛苦~

所以今次肥人改去札嘎其站(Jagalchi)

3號出口附近的西區廳搭乘2-2、1、1-1

呢個先叫總站呀, 大把位坐呢~

半小時內就會到達啦~

淡季既關係...竟然無人落車!

好彩...肥人認得呀....即刻同老公講到啦!

甘川洞文化村--我又來啦!

上次來時落雨呢...相都拍得不好....

是次終於有太陽啦...隨便拍都好靚呀!

上次來時, 呢個位開始就落大雨啦...

今次有陽光呢~

天氣好, 點拍都好~

甘川洞文化村其實真係有好多影相位架~

隨便都可以行1-2小時呀! 

樣樣都有特色....可以慢慢欣賞呀~

淡季來唯一好處....周圍都沒遊客...

影相不用排隊...而且一定不會拍到人群~

 雖然睇不明韓文..都可以欣賞下畫功!

見到呢塊牆就知道小王子到啦!

唯一要排隊既位...就係同小王子合照啦!

上次來時又落雨又大風...完全無心情同小王子合照~

今次有啦!

不過要坐出去欄杆外...真係要小心少少~

老公扶我上落....他怕我輪盡會跌左落去...

我其實都有少少驚自己叉錯腳落左落去呀~

攬完小王子, 繼續行行行~

櫻花掉光光啦...上次來時, 呢一排開滿櫻花的~ 

櫻花期來..呢個山頭會有好多櫻花架!

有魚魚陪住你行斜路~

其實呢度有幾條路線比你周圍行架....如果要行勻真係要花幾小時呀!

老公話行下小路~

小路遇見猫猫...好乖又好懶....完全唔理人~

呢條樓梯行完會見到星星...起初我都不明白見到什麼星星...

老公睇完介紹就話:因為太多級太辛苦, 所以行完會頭暈咪見到星星...

係喎....哈哈!

男人抱狗狗--等於男人老狗~?哈哈!

老公話唔係啦, 狗狗個樣好BB喎....

阿豬媽買餸...原來樓梯盡頭真係街市黎架!

走啦....坐番2-2、1、1-1去札嘎其市場食海鮮~

肥人同老公係巴士站等車時對面巴士站既韓國人用好奇既眼光望住我地...

好奇怪嗎我倆~?

後來肥人諗左一諗...依...我地應該去對面巴士站才對呀!

我地現在等車既巴士站係來時既方向...巴士不是循環線呀....

即要去對面才可以去札嘎其市場呢!

肥人叻留一次呢...哈哈!!

待續..