20161121 - 木婚之旅@慶州 I

Day 2 Part 1

 佛國寺(불국사)-->石窟庵(석굴암)-->普門區

是日溫度: 16度

是日去慶州最大既寺  -- 佛國寺!

先去酒店CAFE食早餐
因為住客去食野會平Won1000~

甜甜地既朱古力及榛子酥, 加一杯熱Latte!
都幾好食呀, 早餐就食甜野....
學左某位blog 友添 :p

食飽飽我地就出發啦!!!

長長既路...每日來回行兩次~
因為呢個係向巴士站既方向, 亦係景點方向!
馬路兩旁有餐廳及小食店的....
後一行就係民居啦...
十點回來時..間間都收左啦
所以只有出門時見到有開門及賣什麼..哈哈!

行左大約十五分鐘就到巴士站啦!
又見到一排銀杏路啦~
兩旁都種滿銀杏樹...真係好靚呀!

等巴士時都欣賞下銀杏樹!
阿豬媽企既地方就係巴士站啦!

巴士站好先進既, 會話你知邊班車仲有幾多分鐘就到啦, 真係好準架!!!


等左幾個字....終於有11號巴士啦!!!
可能不是旺季, 班車都吉吉地.....

班車要坐差不多一個鐘先到佛國寺....
坐左差不多40分鐘左右....肥人突然見到有個巴士站寫住佛國寺!
肥人即刻叫老公落車啦......老公說未到呀未到呀...

但肥人明明見到有個巴士站寫住佛國寺...
老公覺得我睇錯而且他望住地圖....但最後肥人選擇落車.....


點知....................................................................


落左車後老公再比地圖我睇.....根本...仲未到!
落錯車落錯車落錯車....oh no!
只怪肥人見到有個寫住佛國寺既車站啦!!!!!

唯有自己行上去啦!!
不過錯有錯著既....我地沿途都睇左不少紅葉呀!
如果坐車咪睇唔到囉~?哈哈!!
(安慰自己中)

 以為好快就到...點知.............
足足行左半個鐘有多呀!!!
沿途有見到11號巴士架...不過我地以為就到..所以無叫停班車!
好反悔無叫停班車呀!!!行到肥人連羽絨都除埋呀!!!
不過又見到唔少紅葉, 肥人都覺得還好啦!
反正自由行就係咁啦嘛, 係咪先~?

(肥人成個trip都唔敢再講我覺得應該係度落車)

半個鐘後....見到呢個牌就知道終於行到啦!

黎佛國寺係打算睇紅葉...可惜..........
有樹未轉色, 有樹係黃色, 有樹係深紅色.....
沒法啦...過黎前幾日...韓國突然凍左好多.....


但佛國寺都係慶州一個必到景點黎既~
又係文化遺產....慶州真係好多架!

景色都幾好呀!
環境清靜呢.....我地都覺得好舒服!
加上唔係旺季, 人流不多, 影相位都不用等太耐...
有時更不需要等呢~

天王門~

天王門再向前行就係紫霞門~

好靚呀我覺得~

不過唔可以由樓梯上去紫霞門!

因為已經好古舊......

係旁邊會有條路比你行上紫霞門架!

一入到去, 第一眼會見到兩座塔~

塔後方有大雄殿!

由於內部不准拍照, 所以沒相睇啦!

肥人同老公都無入內, 不過都有係門口拜拜!

拜拜完就周圍睇下啦!

行番去紫霞門度...望番落去~

又欣賞下古蹟就繼續行啦~

(老公仲係度扮皇帝叫下面既人平身..哈哈哈)

每個殿都好多燈籠(我估係燈籠), 應該係用作祈福之用!

可惜肥人唔識溝通, 唔係都可以祈下福!

係大雄殿後面有條樓梯上第二個殿~
一入去就見到好多燈籠啦!
今次係彩色既, 好靚呀我覺得!

觀音殿!
拜拜完又繼續行啦~

跟住其他韓國人, 行行下就見到茶院....

隔離係博物館, 老公話行下!

點知....賣手信的!!!!

跟住地圖繼續行...就行到一條斜路兩旁都有紅葉...
嘩..今次無失望啦!
好靚呀!

返黎發現無幫斜路影獨照, 唯有迫大家睇埋肥人肥背影~

順便介紹埋肥人身上既羽絨, 新鮮滾熱辣買的!
旅行前係Gmarket買的, 出發前兩日先送到呀
連運費都係4百多元, 抵呢~

影下兩旁既紅葉, 真係好靚呀...

行到中間位置開始無太多紅葉啦!
底更無........有少量銀杏.....好在風景靚..補番數!
見到石碑即代表將會離開佛國寺啦!

由於我地要去下一個景點, 所以未行完整個佛國寺都要離開啦!

離開左佛國寺都見到少少紅葉....

過多幾年再黎, 呢棵細紅葉就應該會長大架啦!

係佛國寺, 終於見到好靚好紅既紅葉啦!

Day 2 待續