20161120 - 木婚之旅@慶州 II

Day 1 Part 2: 

瞻星臺-->月精橋-->東宮與月池(雁鴨池)


離開酒店, 我地就去景點行下啦!
好近架其實~
沿路都係住宅區....好多民居呀!

仲見到好多蚊...大大隻....
天呀....十幾度都仲有咁多蚊...唔係嘛~?
仲有好多蚊仔..合埋口快步走走走....
(但其實環境不是DIRTY 的)

行行下見到少量壁畫, 畫得都好靚呀!

慶州係新羅王國...所以好多新羅女皇既畫~

差不多行到去景點啦~

見到個牌就知到左啦!!

不過我地都有少少餓啦...決定食少少野~

古色古香既星巴巴~

附近得Coffee shop同韓餐館..又不想行太遠.....

已經4點多....如果食左韓餐幾時才吃晚餐~?

最後決定入便利店啦!

學韓國人食杯麵!

成日睇韓劇都會見韓國人係便利店食野...今次試到啦!

韓國便利店除左有叮叮機, 就多左一個熱水機比你整杯麵!

不知是不是太餓, 杯麵都好好食!

連相都無影到.....太餓啦!

要即刻食啦..哈哈!!!

食食下麵, 隔離就黎左兩個韓國女仔....

她們都是吃麵....哈哈!!!

食飽飽就走啦.....去對面行景點啦!

先見園車..好似可以比錢車你去各景點..園內的!

不過我無坐!

行左幾分鐘, 第一個景點就到左啦!

就係瞻星臺啦....

古時用黎觀察星像架~

(剛到時未黑齊架個天.....影多兩張相就...黑蚊蚊啦!)

分差路去兩個地點, 一邊去月精橋, 另一邊去東宮與月池(雁鴨池)

我地先去月精橋!

(其實去月精橋前有一堆景點, 不過天黑黑...唔去啦)

行左十分鐘左右...就到左月精橋

真係...靚到...嘩左一聲呀!

睇其他BLOGGER介紹既相已經覺得好靚!

實物....真係好好好好好靚!

不過我影得太差啦!
相機壞左到而家都未買番...用左Iphone影....
真係好好好好靚...實物!!!!
值得去架!

睇完橋, 我地就行番出去去東宮啦!
沿途都有紅葉架!
打左燈, 我覺得好靚呢~
(可惜Iphone出品.....可能係我唔識用啦!)

好快就去到東宮啦!

(月池是在東宮內的)

要買飛入場呢~

去東宮其實都係為左下飛上既景....哈哈!!

六點半入場.....

望下地圖先!

大量古蹟係附近架!

不過我地無時間行呢~

一入場...就被下面既美景吸引住..
好靚!!!

實物仲靚架!
真架...肥人無呃大家架!

影完樹既倒影就去重點既韓式建築啦!
有點失色呢~
是肥人攝影技藝有問題呢...
影不到實物一半的美!!!

可能被樹既倒影搶左風頭.....韓式建築既倒影真係失色了!
肥人現場睇是有咁既感覺!

影多一陣...我地就走啦~
沿途有竹林...有少少恐怖既感覺..哈哈!!

行東宮時已經覺得有少少凍!

肥人今日無著羽絨, 只著左件針織外套~

出到門口見到有小食檔, 即係食下先~

肥人最愛既魚蛋串!

魚蛋既湯係任飲架.....係凍既天氣下....

肥人同老公...都飲番幾杯暖下個身!

飲左魚蛋湯, 成個人即刻暖左好多!

魚蛋湯仲有少少辣...更暖呀個人!!!

但由於都7點多, 我地決定去食飯啦!

慶州既燈都好靚架~

係韓國....GOOGLE地圖真係...
方向岩的, 但實際既, 都係要自己慢慢再搵下~
行左大約20分鐘, 就搵到今晚開餐既餐廳啦!
好多人都推介既大邱排骨!

全韓文餐牌, 但不用怕, 有個外國人係度打工架!

她會比英文餐牌你~

芽菜湯....都不知叫不叫湯...似芽菜水多少少!
仲要凍架!
隔離台個韓國女人要添多呀..

真係十個有九個人都會推介的..但肥人覺得...麻麻!

重口味既蒸排骨而已~

不過都好多韓國人係度食緊飯......

韓國食飯, 一定要點雙份!

同款點雙份呢~

飯是另點.....

食飽飽就行返酒店啦~

都要行大約半小時......

當散下步熟下環境啦!

反正...都係九點多.....

周圍都靜英英呢~?

返到酒店就去酒店附屬既CAFE SHOP望望!

都一樣古色古香架~

係CAFE 影回酒店, 夜晚都幾靚呀!
肥人無住兩層既, 因為訂了最平既房...哈哈!!!

九點多...真係靜....

馬路任由肥人影相....好安全架...

影完相就快快返房啦...針織外套頂唔住啦!

返到入房先發現...無熄地暖呀我地...
YEAH!!!
即刻訓係地暖下先, 舒服到唔想起身呀真係!
仲可以將腳貼住地板...舒緩下對腳先~

夜晚溫度: 13度

---------------------------------------------------------------------------
yeah!
day 1 完成啦, 今次好快手呀!!
希望唔好爛尾啦....hahaaaaa