努力煮@One Pot Pasta

搬左去新屋已經有一個月啦!
好多人都會問肥人住得慣唔慣呀....
肥人可以答你: 好慣!
肥人繼續食得訓得呢~

最不慣其實沒廚房....肥人有時會心癢癢想煮飯呢~

近日,肥人仲開始煮飯...
不過由於新屋無廚房, 肥人只能煮簡單的!
例如: 有味飯, 米線, 簡單意粉!

前晚煮了一鑊煮意粉 (One Pot Pasta)..真係好簡單!!
20分鐘左右就有得食啦!

材料:
本菇一包
細蕃茄2個
豬肉碎
洋蔥細半個
貝殼粉碗半
水碗半
芝士一塊

調味:
鹽少許
茄汁2-4匙

煮法:
豬肉碎用鹽, 糖, 豉油, 油, 豆粉醃最少十五分鐘
蕃茄洗淨切粒
本菇洗乾淨切去尾部
洋蔥切粒洗淨



先炒豬肉碎半熟

再將所有材料放入煲內
加水開火
大火煮滾水就轉中細火繼續煮
邊煮邊攪拌...以防痴底

好快就會見到水越來越杰!

可試試貝殼粉軟硬度...不夠軟就細半碗水再繼續煮!

 夠軟就可以加芝士
繼續攪拌
芝士完成溶掉 -- 食得!

賣相差左少少但好好食!

肥人會繼續煮其他口味既One Pot Pasta 架!

未來一段時間, 相信肥人blog既標題多是: "周圍食"系列

而"努力煮:系列可能要休息一下..直到肥人再搬為止!

希望"努力煮"不會休息太耐啦....