周圍食@Uptop Bistro and Bar

話說肥人班中學同學發起齊齊去學化妝
 其實肥人興趣不大不過又可以柴娃娃
肥人都去啦!

點知最後得4個位所以肥人就放棄lu~
同學仔就建議學化妝前不如一齊食過tea 啦!
又好啦!

我地去左尖沙咀既珀薈酒店既Uptop Bistro and Bar
(我地去時叫Sky Deck, 唔知係咪改左名呢~?)
呢間酒店, 肥人都係第一次聽同第一次去!

係頂樓天頂食下午茶!
好彩今日無落雨.....已經落左幾日雨啦!
又好好彩無太陽, 可以舒服地食tea呢~

酒店望出去~

我地就係覺得個摩天輪好靚所以先黎食架...
女仔...果然對某些物品情有獨鍾呢..哈哈! 

同學仔都影相興趣不大, 所以草草影左幾張就開動啦!

咸點好出色架......好好食!!
樣樣都微暖架....唔錯呀!

炸蝦, 蝦肉好彈牙呀!!
仲暖暖地, 好好食呀!

職員話like左餐廳Facebook就送我地雞翼

當然要like 啦....多雞翼呀!

一上雞翼...嘩....4隻!

一人一隻呀!!

超級好食呀...係即整既關係, 雞翼仲熱辣辣架...

每人都係2百蚊有找....好抵呀!!

不過唯一一個唔好處係 -- 餐廳只提供茶杯..

每次飲完都要麻煩職員去添!

好彩客人不多...職員一叫就有...哈哈!

整體我地都好滿意呀!

下次肥人要帶老公黎試下晚餐先得...哈哈!