十週年之旅@Samui Day 2 Part 2

繼續向機場方向行, 行過一個小市場, 無野賣既小市場!
(賣既同夜市差不多)

又行過大型酒吧...

終於....行到差不多尾啦...!

肥人好攰呀!!!
見到有間movenpick....門口寫住buy 1 get 1 free
唔係唔入嘛~?
雖然肥人不愛甜食...但買一送一喎!
而且老公鍾意食甜嘛!

入到去..一個人都無....um...
可能真係太遠啦.....呢個位又真係.....離旺區太遠啦!

肥人同老公揀左好耐...都唔知揀咩味好!
老公愛朱古力呀, 朱古力曲奇等等...
但肥人不愛!
雪糕方面, 肥人不愛偏甜的!
我最愛係薄荷味及士多啤梨味!!
士多啤梨酸酸甜甜,好味好多!
薄荷味又不是太甜...

空無一人既movenpick.....

慢慢嘆慢慢食....仲慢慢影相添...哈哈!

食完雪糕天都黑埋啦!

我們繼續行去機場果邊....要去outlet 睇下有咩賣~

本以為...Movenpick 已經夠少人....outlet.......仲.....哈哈!

行完無人既outlet...我地就行沙灘返去商場啦~
諗住睇日落架....點知......
真係要唱番首天黑黑啦
"天黑黑　欲落雨　天黑黑　黑黑"

安慰自己....其實陰天都好靚呀......

可能想落雨關係...沙灘餐廳人不多.....

本以為會貴好多...但其實又差不多價錢呀同其他海鮮餐廳..

生意...果然難做呀!

海鮮又任揀.....

行到自己酒店就返入房休息下~

Hea左半個鐘就去商場行下啦!

酒店同商場都算近..十五分鐘左右就到啦~

燈飾幾靚....通通都係迪士尼....哈哈!
但得個頭....哈哈!!!

仲有個無人玩既木馬....唔知真係會唔會郁呢~?

無聊影下背影先...

好肥呀......天呀.....

好好彩...因為水燈節關係, 商場停車場有夜市!

又可以掃街啦!

夜市隔壁係超市.....

又掃一輪貨...哈哈!

係今次呢個trip 唯一一次掃貨....

泰國都有出前一丁賣呀...

當然貴好好好好多啦...哈哈!!

仲有好多味道架~!

係超市玩完一輪我地就行番酒店放低戰利品啦!

係超市望向商場, 大大隻Samui 字樣...

影相位啦好明顯係....哈哈!

商場門口有大大棵聖誕樹...
熱辣辣睇聖誕樹, 肥人係呢世女第二次!
(第一次都係泰國呢)

十分鐘左右就返到酒店啦!

我地休息一下又再出動啦!

去食飯啦...

揀左間叫龍蝦王既餐廳!
坐係餐廳望住大街食~
又係無冷氣架....

去龍蝦王唔係食龍蝦...
我地食扒呀...hahaaaaa
老公點左牛扒...佢覺得還可以!
不過最開心係配薯條呀!
薯條熱辣辣, 好好食架!

我要羊架...羊味都幾足...
好滿足!


食飽飽我地就去左商場後面既夜市行下啦!
買左杯泰式橙汁就返酒店啦!
因為已經11點啦.......