20150411 - 追櫻之旅@last day

今日又係shopping day!
其實兵分兩路左呀又!

尋晚玩得太夜, 今日人人都不願起身~
最後首領話: 明天起到身既就9點30係大堂集合去新村睇畫啦~

當然..肥人係起不到既...hahahaaaaaa!
起身後我們就執好行李去check out, 然後自己去左行仁寺洞啦~

仁寺洞其實行既不多, 最出名係人人商場~
朋友以為好大, 點知一個鐘都不用就行完~
最後決定去傳統茶屋坐坐~
是旦衝入一間lu~
係人人商場附近, 上2樓既~

我已經忘記左點左什麼茶, 好似桂圓之類~
甜甜地幾好味架~
每杯茶都會有餅附送既!

傳統茶屋都要食西式甜品...哈哈!!!

即整所以熱辣辣, 好正呀~

最正係呢杯!
係自製雪糕黎架....我忘記左係什麼味, 但我們4個係不停食!
真係超好食架!

其中一位朋友話想試下傳統韓式甜品...

就點左年糕...um....肥人只可以話: 我都係鍾意食咸既年糕多少少~

可能太早, 茶屋沒其他人~

我們就不停影相啦...哈哈!

扮下文青啦梗係, 哈哈!!

大約一個鐘左右啦, 我們就出發去集合啦~

去左食土俗村人蔘雞!

實不相暪, 肥人多次來韓都無食過土俗村人蔘雞

1點左右去到....嘩...人山人海到呢!

去左新村既朋友仔比我們早到, 但前面最少有50人呀~

好在土俗村人蔘雞都夠大間, 好快就有位啦~

我們每人都點左人蔘烏雞...
泡菜一早已係台面, 未有野食前我們都食下泡菜先~


點菜後先好快就上菜啦~
細細杯既係人蔘酒...有蓋既係碎蔘黎架!
酒肥人當然無飲....倒左少少入人蔘雞湯內...hahahaa

 雞湯黎啦~
望落好細份, 但食落好飽...肥人食左一半都無就想投降啦!

食飽飽, 朋友仔們繼續行街, 最後衝刺喎!

肥人就返左酒店附近個地鐵站等韓國朋友再去cafe 飲野啦~

韓國朋友好攰都仍然堅持要出黎同我見面, 我真係好開心架!!

尋晚她msg 我說有同事既嫲嫲過左身, 她同上司要代表公司去拜祭!

所以她尋晚一放工就同上司駕車去釜山...

再半夜由釜山駕回首爾....零晨4, 5點才回到家....

我本來說太辛苦啦, 不要出來吧~

但朋友她堅持, 就好啦~

大家傾左大約1個小時, 她又趕住返合唱團啦!

我係cafe 時已經見到同伴們返到黎...

送韓國朋友上的士後我就返酒店集合~

之後就出機場準備返香港啦!

8日韓國狂笑之旅就完左啦...

真係唔知下次幾時可以一齊去旅行lu~

好唔捨得呀!