20150409 - 追櫻之旅@新慶洲 -> 首爾Shopping day

肥人我會努力加油!
仲有幾集, 首爾釜山之旅就完啦~

挨左一晚, 終於天光啦~
肥人真係執野都執唔切地離開間Motel..真係想講句byebye你條尾!
嚴重唔夠訓既情況下....肥人直訓到首爾!
其實都係3個鐘..哈哈!
(同伴們取笑我好彩有程車訓下, 連續兩晚同2個同房人傾到半夜...
仲要一晚比一晚夜)
難得嘛....傾下大家呢幾年既事!
(去旅行前其實我同大部份已經好耐無見, 只有一個有聯絡
去完旅行後, 反而個個月都約出黎食飯)

又係Ice Americano..不過都幫我唔到...

食完個早餐就上車訓覺啦...首爾見~

返到首爾, 我地去酒店放但行李...
都係前幾日果間酒店, 完全識行啦~
放低野我地4個女仔就出發去行地下街...
另一pair 情侶就去自己想去既地方!
仲有兩pair 情侶係新慶洲, 去埋景點今晚先上黎首爾~

女人...天生購物狂...哈哈!
同行既同伴們, 買到...飯都差少少唔使食...
肥人我頂唔順呀, 見到有野就即刻叫停大家...哈哈!
好餓呀!!!
真係咩都唔理, ...點呀點呀!
點左個壽司, 韓國壽司真係好好食!

仲點左碗麵...叫"麵各答", 唔係中國野黎?

不過唔理, 好好食...哈哈!

好快就掃清~

食左熟食, 見隔離賣雪糕...

士多啤梨呀....殺!

點知士多啤梨酸到我暈.....哈哈!

好似w4000左右...

食飽飽就繼續行街街....肥人都買到一個袋 (hk$70)
一件牛仔褸 (少於hk$200左右, 講價的~)
兩件恤3, 都係hk$70一件...好抵呀!

行到快6點就去馬場站集合今朝同我地分開既情侶!
去食韓牛呀!!

好多店都關左門...太夜~?

仲有幾間鋪既..可以睇下韓牛~

有兩個選擇 - 係店鋪買左韓國上2/3樓既餐廳食!

我們選第二種, 直接入餐廳食~

點左兩個set....好好食!!!

我地諗住點生牛肉, 點知食食下職員就拎住一盤生牛肉出黎派~
正呀!
免費架!
好好食...不過...同房人當晚就肚痾了!
其實係我地問題, 我地無即刻食晒, 仲擺左係火爐邊...
估計就係出事既原因!
隔離台無事呀~

肥人仲係呢間餐廳, 撞到自己同事...坐係隔離台呢...哈哈!

計埋釜山撞到另一位同事, 肥人今次韓國之旅已經撞到兩次啦~

世界真細小呀...哈哈!