周圍食@生日飯大特集

8月生日既肥人....今年食左不少生日飯~

8月初同朋友去做完facial, 就去左一間餐廳仔食西餐...

第一餐生日飯~

餐廳細細, 但份量不細......

雞扒大大塊呢...我差少少食唔晒呀.....

正日生日, 老公帶左我去食韓菜...

不過肥人今日心情麻麻....胃口都沒..所以沒叫燒烤餐~

因我只想快快食飽返屋企......

叫左泡菜湯....

豆腐好滑, yummy~

炆牛肋骨....幾香, 肉都好滑, 加上啖啖肉...yummy!

唔想食飯...就點左個炸醬麵.......

我覺得咸左少少...可以更好的~

韓餐...少不了前菜.....

兩個人都好多前菜食呀.....

每款都食已經飽左一半啦~

食飽飽就行左陣東角就返屋企啦...

肥人今日心情都係麻麻地...雖然係正日生日~

8月中....舊同學約我食生日飯...

難得舊同學記得我生日呀.......十年同學, 算你啦..哈哈!

又係韓菜呀!

今次食9龍灣既school food....

點左炸雞

炸得好香口......肉又不硬....

好野味呀...我都食左一半呢...

唔記得全名, 但類似係芝士白汁意粉...

意粉偏硬身少少.....

芝士白汁...好肥呀...哈哈!

食韓菜都要食下包飯既....

叫左牛肉包飯....

一口一個.....

牛肉味好香濃......

雖然細細碟, 但真係好易就食飽左...

飯黎架...哈維$

今年生日...肥人只係食左2個生日蛋糕...

一個係同事買比我既~

類似拿破崙但又無拿破崙咁鬆化...

好處係切得開又唔會切到周圍都係餅碎呀...哈哈!

第2個係媽媽叫我買返黎既...

媽話幫我慶祝生日..但條件係要我自己買個蛋糕返去先...哈哈!

好啦......媽媽叫到....唯有自己揀番個靚既生日蛋糕啦~

美心新出既蜜瓜蛋糕, 好好食...好香瓜味呀...大讚!

肥人又大一歲啦...越大就越唔重視生日.....

其實我願望好簡單, 爸媽老公6299妹妹及親友們身體健康

個個都快快樂樂我就夠啦....

都無特別想要既野啦.....

今年係老公陪伴既第十年生日...

雖然老公沒送鮮花...但他送左另一種比鮮花更貴重既花比我....

呢種花....暫時未有得見實物住.....

要過多兩年先有得見呀....

大家估到係咩花嗎?