20150719 - 姊弟家庭遊@台北 - 烏來 PART 2

玩完水就食飯啦~

我地主要想試山野菜...因為真係未試過~

但間間既菜都差不多...真不知要揀邊一間.....

最後揀左呢間....

原因係....我兩位妹被擺係門口既雞吸引左......

哈哈!!!!!

超多菜揀呀........由台灣朋友拍板啦~

我地就等食~

台灣人真係比較愛食荀, 好多鋪都有用黎做菜~

我地就叫左荀湯....好清甜....不過荀好多, 湯不夠分...

台灣朋友最後請人幫我地加湯....

(但食得多荀唔係唔好架咩中醫話?!)

吸引左兩位妹妹就係呢碟雞....

超好食!!!

雞肉好嫩滑, 我地食唔停口呀!!

唔好嚇親呀...我地叫左成台都係菜呀....哈哈!

我記得有珠蔥, 生金針, 山蘇, 川七, 龍鬢菜及水蓮

(由於我已經唔記得邊碟打邊碟, 獨照就唔出啦)

我最鍾意珠蔥同生金針, 川七好似我地既田七..

曬乾就用藥材, 未曬乾原來可以煮....

不過...口感就麻麻, 不是人人都愛既~

炒完係濕濕地, 有少少滑黏液...同秋葵差不多...

差不多成碟我同台灣朋友包辦晒..

好似話未曬乾既田七對血管都好...

叫左咁多碟炒菜...連人地既侍應都嚇親...哈哈!!!

好彩台灣朋友解釋話我地唔係台灣人...哈哈!!!

午餐又搶比錢....4比2, 大家都知邊個贏吧?!

台灣朋友一直都說: 你們來台灣當然是我們請客啦...你讓我請吧~

我都唔好意思啦..你2個, 我地4個WO....

最後, 妹話: 晚餐你的啦...

台灣人真係好熱情...全日都搶比錢...哈哈!

食食下飯...落大雨!!!

以為食飽就會停...但一直落一直落一直落....

火車仔...BYEBYE 啦~

我地決定走啦.....先穿過老街再行去坐巴士~

係老街見到有間店賣懷舊野, 就入去睇下啦~

好懷念呀...細個既零食呀...估唔到台灣零食同香港差不多~

行左陣買左少少手信...我地就去坐車啦~

行到巴士站...WAAAAAAA....

人多到呢.............我估計, 3班車先有機會上到!

巴士站邊有好多的士司機問人上唔上車....

見人多, 我地就去坐的士啦, 一部車可以坐晒7個人....

台灣朋友同司機傾好價錢, 我地就上車啦!!

雨一直都未停過, 未細過添呀!

司機話場大雨落左唔係好耐, 所以交通暫時不算塞, 

但都開始有車龍啦.......

我地坐烏來都塞左半個鐘先得....

司機一路同其他司機通訊...最後我地司機係走小路!!!

小路超順呀...完全唔塞...不過就好似兜遠左少少...

不過司機話總好過塞車, 真係唔知塞到幾時先得~

5點尾我地就去到安和站啦...

諗住係呢區行一陣先去食飯...

點知周圍都無野好行.....最後決定出發去餐廳啦

大約6點去到~

是日晚餐, 太和殿食麻辣鍋, YEAH!

(細佬一直反對食麻辣鍋因他不太愛打邊邊, 今次係台灣朋友提出, 細佬無SAY NO)

肥人我去左台灣4次, 我都係第一次食麻辣鍋咋
(平時同大少兩個人黎, 他又食不到辣)

就細佬, 就叫左兩個湯底.....

麻辣....好正呀!!

點菜又交比台灣朋友啦, 我地又等食啦~

叫左一豬一牛...

朋友話用油條點麻辣湯係好好好好好食...

連細佬唔食辣都愛上...你話好唔好食~?

哈哈!

朋友都叫左不少菜.....

台灣人食火鍋唔似香港人慢慢放落去...

我見台灣朋友係一次過將大部份既食物放入鍋度滾.....

(肉同油條除外)

唔似香港人想食邊樣就落邊樣咁....

麻辣湯底本身係有豬紅同豬腸架...

估唔到...refill湯時都會幫你加埋豬紅同豬腸呀!

飲品就自己去拎, 當然係計錢啦~

台灣朋友飲烏梅汁,  侍應會比大杯冰你...

起初我唔明點解要冰.....試左啖之後就明啦......濃到呢.......

唔加冰根本飲唔到呀......

食飽飽就陪台灣朋友去台北車站坐車返台中啦...

台灣人真係好熱情, 今日真係玩得好開心~

明明今日係她們照顧我地多...(問路呀點菜呀等等)

最後台灣朋友同我講: 姐姐, 今天謝謝你照顧我們呀~

太客氣太熱情啦~

送走台灣朋友後我地就返酒店啦~

兩位食力過人既妹妹又買左一堆食物返酒店......

妹最愛雞冠, 我一聽到都怕怕...

最後試左一件...原來係好好食架...

脆口架....無咩特別味道!

買左一堆水果...今日好健康呢, 食左好多菜同水果...哈哈!

去台灣, 點會唔不停飲野?!

今晚試蜜茶......不算甜, 有陣果味.........幾好飲呀~