20150718 - 姊弟家庭遊@台北 - 小丸子館

今次來台北, 撞岩有小丸子紀念展覽~

沿途都好多人黎睇展覽, 所以都不用多看地圖啦...

哈哈!

這個地方有多個展館, 其中一個就係佢啦:

不過我地對兔仔興趣不大, 所以無去睇~

只睇小丸子

(同埋大家都攰啦...今朝一早起身MA)

呢個地方周圍都好靚...好多影相位...

可惜我班細佬妹係唔會幫我影相...

無老公既時候, 靚相真係不多呢~

可能香港無草牆啦....我覺得好靚~

排左陣隊買飛~

排隊期間有個男仔走埋黎話有飛賣, 可以平少少!

他話係公司飛, 但他根本不想睇...所以問我地要唔要...

最後我地都決定唔要...好似怪怪的....

雖然那個男仔話可以比我地3個先入場, 證明到入到場就比錢佢...

咁如果最後一個比左錢但入不到場咁點算?!

埸內...超多人.....人多過小丸子....哈哈!

不過都真係好多小丸子睇....有好多場景, 包括屋企呀, 學校等等!

一家人齊晒~

有的是平面圖....

小丸子同媽媽~

呢個真係好搞笑......

浴室

唔係同爺爺架咩~?

爺爺麻麻就係紙版公仔.....咁架!

但原來後面仲有好多爺爺既實物公仔架.....

仲有成個課室架...但係...人太多啦...我CUT不晒.......

仲會有座位表睇番邊個同學坐邊個位.....好細心架~

課室都有幾個同學仔既實物~

睇完課室就會行到一條走廊咁...牆上面有一個個DISPLAY...

全部都係爺爺同爺爺既金句!!!

(有4-5個)

睇完爺爺金句, 就會見到運動會現場啦!!

好好好好好靚架.......

小丸子參加接力賽呢...

頭低低既小丸子, 吸引左大量人去影....

人人都坐係地影呢個小丸子...哈哈!

個個表情都好足架....哈哈!!!

睇完運動會, 最後就係夏祭啦.....

爺爺又出場啦....

WA...爸爸好高呀.....

小丸子超可愛呀.......呢個打扮我超鍾意...

不過可能細佬妹們已經好攰, 已經沒心情欣賞啦...

我都係快快手影張相就行LU~

最後仲有一個區.....

搞鬼區...哈哈!

小丸子搞鬼都頂得順.....呢位同學既打扮....

哈哈....大殺菲林啦!

走LU...走時會打個印係你手...好似話可能再入黎架~

對面就係miffy 啦......

由於細佬妹們太攰啦, 我地就決定返酒店休息休息~

行去坐車中途我都周圍影下相....

呢兩座建築物係咩呢?外牆通通都係植物黎架!

又未太餓.....但他們又不想晚餐時間再出黎...

唯有買少少野食返酒店食左先...

買左牛肉麵.....

超好食呀....近寧夏夜市架...

我地都係亂買架....不過好好食!

食飽飽, 大家就各自訓下or 玩電話啦....

因為妹妹的朋友會從台中過黎...

我地就等她們來...

起初我以為她們坐高鐵...正常呢...7點幾高鐵, 9點半應該到...

點知...她們原來坐台鐵...waa..

我地等到十點幾先等到她們...

最後去酒店附近既寧夏夜市行下買左少少消夜就返酒店傾計lu~

一傾就傾到1點多先準備訓覺啦~

妹妹朋友說這家店好好食.....排大長龍呀...

又好足料架.....啖啖香芋蓉, 外面炸到脆卜卜...

真正既外脆內軟呀~