努力煮@韓式粉絲

肥人係6月好努力, 真的~

差不多每個星期都會煮4晚晚餐~

仲要有新菜色呢...哈哈!

係咪好勤力先?!

有一晚, 肥人煮左個韓國炒粉絲~

材料:

紅蘿蔔 X 1

椰菜 - 細半個

鮮冬菇 X 5-6

豬肉碎 X 1PACK (大約15,16蚊)

調味:

生抽 X 2茶匙

糖 X 半茶匙

水 X 2-3茶匙

麻油 X 半茶匙

STEP:

滾水放粉絲煮大約6-8分鐘, 粉絲需要用凍水沖至冷, 加少少油以防變硬

豬肉清洗後用基本醃料醃最少15分鐘

紅蘿蔔, 鮮冬菇及椰菜切條備用

熱油放豬肉炒至半熟, 加紅蘿蔔, 冬菇及椰菜繼續炒

紅蘿蔔變軟就可以加粉絲粉勻

加調味後再炒勻, 試味

(亦可以試試粉絲軟硬度)

最後加麻油就完成啦~

真係唔好睇少下圖碟炒粉絲...肥人兩公婆都食不晒呢~

最後老公又有飯帶啦...哈哈!!!

一包粉絲其實好多, 肥人我第一次煮, 所以傻傻地將成包粉絲都....哈哈!

第二晚又可以再煮粉絲啦, 今次煮左個粉絲煲~

用番尋晚既材料就可以啦~

不過今晚就加左韓式辣醬

紅蘿蔔滖湯會令湯變紅色, 我無放蕃茄但煲到好似蕃茄湯咁紅色~

個湯好簡單....水滾先放豬肉碎 (新買的, 放心不是尋晚淨既)

滾一陣就放紅蘿蔔....紅蘿蔔淋左就放椰菜及粉絲繼續滾...用慢火

最後加韓式辣醬及鹽, 試味, 完成!

一碗湯有粉絲又有肉又有菜, 豐富掛?!

仲好飽肚呢~

炒粉絲食譜有上網參考, 湯就自己亂煮的~

哈哈!