20141219 - Family Trip@Kansai - 嵐山

行完八阪神社, 我地就出發去坐阪急電鐵去嵐山啦!

夜媽媽去? 係呀, 因為有一年一度既燈節呀~

一路行一路欣賞黃昏景色~

由於嵐山係郊區,   一落車就覺得...好凍呀!!!

對面月台仲有一堆雪呀!

不過夜晚既嵐山站, 又幾靚靚ge~

沿途行都好大風, 我地都努力行, 希望快竹林人多就會暖少少

沿途見到有溫泉, 真係好想入去浸個溫泉暖下個身!

(如果咁遲先知道有燈節, 我就一早book 嵐山既溫泉啦!

其實當初我有睇過嵐山溫泉架, 但覺得嵐山景點不多就放棄左

所以而家.....唉)

過左溫泉酒店就開始係中之島公園啦, 開始有燈睇啦~

可惜肥人太凍, 凍到手震, 靚既相不多....

一直向前行就會見到小檔, 可以買少少野食暖下胃~

我地買左兩串燒雞肉, 好好味呀~

仲有燒魷魚筒架, 可惜我掛住食無影到~

八爪魚丸, 妹妹她們覺得不太好食, 所以沒買~

食飽飽就向竹林出發啦~

沿途都有好多擺設睇~

行過渡月橋就會見到兩旁都係商鋪, 我地沿住商鋪向前行, 好快就有入口去竹林架啦~

好多人會聚集係竹林入口, 所以唔使怕會走錯~

而且我上次已經來過, 我認得路呢~

呢個景, 我真係睇到嘩嘩聲, 現場睇真係好好好好靚架~

              

由於遊人太多,好難影到滿意既相

同埋一路行就覺得成個竹林都一樣, 所以只影了幾張相~

驚險事就係竹林發生左!

話說妹妹同她男朋友覺得累, 所以他們就說返去入口等我地!

分開左都不夠5分鍾, 爸爸呢?

我行後面, 朋友行前面, 但爸爸呢?!

明明剛剛我見到他在我影相時超越左我向前行, 但前方既朋友說沒見到!

下?!點算點算!

我同朋友就繼續向前行, 行到一個T 字路口都找不到爸爸!

看Whatsapp, 爸爸最後上線時間都是1, 2分鐘前!

(因為wifi 蛋係我度)

超驚呀, 但我地又不敢行開, 因為T字路口就可以睇晒3邊既路...

終於, 過左一陣就見到爸爸出現啦!

仲要悠閒地出現!!!!

我同朋友即刻衝埋去大叫嚇死人啦~

爸爸仲反問我地有咩好驚呀....

佢仲話前面就係盡頭啦, 行到盡頭咪返轉頭~

真係呢.....嚇死我啦~

又夜媽媽, 爸爸身上又無錢又無身份證明交件

(他到左日本後就連背包都不帶, 只帶電話

銀包同PASSPORT 都係我度)

發生左驚嚇事件, 我同朋友就夾住爸爸來行!

去到出入口位, 妹妹一見到爸爸就話嚇死她啦!

離開竹林大家都未餓, 就去左嵐電附近買小食啦`~

我食左何年糕紅豆湯, 暖下胃又定下驚嘛~

OUT FOCUS 左.....

最後我地行去JR 站, 坐JR返京都~

行去JR沿途有燈飾睇下~

仲見到有個2, 3歲既小朋友不停咁唱" Let it go let it go"

超可愛~

返到京都其實都九點幾, 不知道點解, 妹妹說要去超市!

最後搵到吉之島.......

行到去超市買完野, 好多食店都last order左啦~

最後我地上網睇到有間拉麵未關門就行去lu~

去到,...waaa..排左45分鐘先有得食...我估...爸爸一定非常餓!!

因為已經十點幾啦!!!

早知我堅持係嵐山食左飯先返京都啦!

有5,6款麵揀, 其實都好似係有肉無肉, 加大等等...哈哈!

太餓啦, 餃子一上來, 影完相就已經被消滅了~

味道真係好好, 又熱辣辣~

我點了mini, 都大大碗呀!

我最後係食唔晒架~

呢碗拉都我超欣賞, 湯底好好味, 麵質我忘了, 但印象不錯!

肉是嫩滑既....整體我覺得拍得上我愛既一蘭!

食飽飽我地就返酒店休息啦, 已經快12點啦~

今日我忍不住發左脾氣, 因為我真係怕餓親爸爸.....