20141125 - Leather Wedding Trip@Seoul - 南怡島, 小法國村, 八色豚肉,明洞

今篇好好好好長呀.....希望大家忍耐下...哈哈!!

是日結婚週年日...行程好緊密!

一早起身連早餐都未開始有, 肥人同大少就出發啦!

坐左好耐車, 終於到達加平站(地鐵站)

(要係上鳳站轉京春線 OR 青春號)

加平站啦, 準備坐10點既BUS 去南怡島~

等車地點就係加平站邊既旅遊中心.....

肥人同大少見未夠鐘就入左旅遊中心坐下, 因為都幾大風!

等到差不多10點, 見其他人都陸續行出去4圍企, 肥人就跟住啦!

大家都只係行左出門口, 並沒有排隊, 其實都無指示話係邊排!

後來見到有人排隊,肥人又跟住排啦~

好彩呀....其他人都陸續排隊呀....

到10點左右, 就有車到啦......

肥人同大少好好彩呀....頭幾名上車的, 仍有位坐呀!

 到開車時, 肥人見到仍然有好多人上不到車呀....

記得一定要排隊同早少少到達加平站呀~

(循環線來的...MISS左一班就要等1小時呀)

BUS送到我們去南怡島碼頭只需大約10分鐘!

行去碼頭坐船仔去南怡島LU~

又不用5分鐘就到啦.....

                                                                                                                                                                加平巴士資料

費用：成人5000韓圜（當天搭乘一日券）

路線：加平客運站 >>海龜島（二和園、露營場）>>加平站>>南怡島（渡船口前）>>金岱里居民會館>>小法國村>>清平客運站>>清平站>>林草橋前>>晨靜樹木園

我們來的不是時候, 南怡島什麼都沒得看....周圍都光禿禿的......

肥人同大少揀左條反大路既路來行...因為覺得大路多人, 好難影到相....

結果好好彩呀.....

行行下見到地上有心型.....應該是職員特別掃出來的~

因為不止一個心型呀.......WA....算有少許特別呀!

來南怡島, 因為大少沒來過...

所以就算光禿禿都好, 都陪大少來行一次啦~

(肥人於3年前就同妹妹來過啦)

人少少, 其實更舒服~

南怡島是來韓國5天最凍既一日, 可能又是郊區!

肥人都不得不戴冷帽呢~

呢個景都不錯.....光禿禿都自己既味道~?

周圍走走走.......

可能今日天氣不太好, 真的不算多人來南怡島...

又可能大家都集中係大路上, 好多地區都只有我同大少, 間中先會見到少量人行~

明明是上午.....下圖既相既天氣...好似黃昏!

行行下又見到紅葉啦....

wA...........漂亮呀!

周圍都好多樹....其實好舒服呀~

韓國朋友知道我去南怡島, 特別叫我要食泡菜餅!

她說叫我要係南怡島飲酒, 因為這裡既酒好好飲!

可惜我不愛飲,大少又不太愛......

最後只叫了泡菜餅同便當!

便當是用鐵盒裝的, 熱辣辣的!

餐廳會提供手套給你, 你拿了便當就要自己搖混它...

所以呢個便當叫搖搖便當!

個鐵盒真係...熱到不得了!!!

食飽飽我地就趕船走啦....因為要趕去小法國村既車!

係來程時下車站等車就可以啦!

忘記多久就來到小法國啦!

正門呀!

好多小王子呀~

朋友說小法國1小時就會行完, 如果你不太喜歡小王子的話!

我不算喜歡小王子但實在太多影相位啦!

我足足逗留了個半小時呀!

周邊景色都好好呀......好舒服呀!

行左個半小時我們就走啦......

本以為已經趕不到班車, 點知一行到去車站就見到有BUS剛到!

即刻跑前去上車啦~

走時我們沒回加平站, 反而去了清涼里, 會比加平站近首爾~

回到市區,我們先去了東大門.....

因為昨晚DDP 的LED 玫瑰花看不到...

今天再來!

好餓呀.......見到八色豚肉就直接衝上去啦~

(其實食八色豚肉都是我行程之一, 但沒想到原來不用找就到了)

去到八色豚肉, 完全不用等位...因為當時是5點多而已!!!

叫了一個SET...有齊8隻肉及一鍋海鮮湯~

老實說, 味道都忘了~

因為職員一次過會幫你煮4塊...

根本都來不及慢慢研究味道........

好處是完全不用做就有得吃啦~

燒完頭4塊, 我忍唔住叫位小姐唔好再燒住....

根本食唔切呀.....湯都是大大鍋的....味道鮮甜~

去DDP 看完花就去明洞啦......

因為我要去DUTY FREE 買護膚品~

戰鬥完一輪就去明洞街頭走走....

WA...已有聖誕氣氛啦~

各大護膚品都大手筆地將自己外圍打造得好靚!

有必要嗎?

不過...真係可以說, 真係賺好多呀!!

明洞中央地帶原來夜晚會有夜市架....

試左個炸醬麵....我覺得麻麻...之前食過一間好好食架~

不過細細碗, 大少都叫試過嘛~

行左一個小時左右就決定走啦...因為都11點多啦~

返到弘大, 我地去左COFFEE SHOP 坐.....

收一點的...hahha~

唔記得老公叫左什麼, 但好甜~

我梗係飲ice Americano la....次次看韓劇都見有人飲!

今次終於試到啦...以為好苦架!

點知苦得來有少少咖啡香....

真係好好飲呀!!!

(成個trip我一共飲左3杯...連去到機場都要再嘆一杯先)

day 4.....又重溫左3年前結婚當日既忙碌!

又係一早忙到零晨先返酒店休息....哈哈!!