加強版方魚肉碎蠔仔粥!

何謂加強版?其實只不過是用了方魚乾去整....哈哈!

小時候呢, 媽咪成日都會用方魚整湯底架....

真係好香好鮮味.......

而我位大少又愛食蠔仔肉碎, 所以我就決定買包方魚自己慢慢整何靚湯底!

起初都好擔心大少不接受這個味道架...

出街食這個粥, 用的方魚一定不會太多....味道一定不會太大啦...

我自己煮就用一條去煮...我怕會不會太腥呢?!

先將方魚洗一洗水然後就起肉....

跟住就煎一煎香就可以加水去煮湯....

湯煮得7788就把骨夾起....我以防萬一, 都把湯過篩一下....

就可以開始放冬菇,肉碎等等啦~

半個小時後就有得食啦....

好在好在...大少都接受到濃郁方魚味...仲話好味過平時只落方魚粉!

真係好好好好開心呀.....以後就可以用方魚去煮蠔仔粥啦....

用左方魚, 個湯底真係濃郁好多架.....超yummy!

不過都感謝大少接受到...我發現他跟我結婚後....好多食物都嘗試去接受!

可能我亦知道他其實不是不愛某款食物, 只係不愛某款既煮食方法!

例如雞一樣, 他不愛白切雞, 那麼我就麻辣雞, 麻油雞, 手撕雞....

其實雞都可以好多種食法~