結婚了~

去年九月....我做左一次姊妹....
新娘係我初中時期既朋友仔...足足都識左有20年啦....
能夠參與好朋友既婚禮...當然又開心又興奮啦!

果朝...我5點3就要上的士........雖然早，但無損興奮心情呀!!!
準備6點去到沙田...就開始準備工作啦~

化妝啦, 周圍影相啦, 準備接新娘GAME 啦, 敬茶工具啦, 真係好忙...
不過一路忙一路開心!

沙田這間酒店既冷氣真係呢...我們竟然覺得熱呀....
一路準備一路覺得好熱!!
明明走廊係好好好好凍架.......

到新郎上到黎想衝入黎時...攝影師大哥都忍唔住叫佢唔好咁衝動住...係走廊休息下先!
起初他們以為是技倆，不停叫開門.......
到班新郎兄弟入到房，他們終於明白點解啦...哈哈!
個個都話要出去走廊涼冷氣呢...哈哈!!

當日相片不多.....只有幾張呢....哈哈!

早上去完男家就直接去中環註冊啦~
爭取時間係車內休息休息...我直訓到去中環呀....哈哈!!!

未訓前幫靚靚手花影相~

新人沒設宴...只在酒店同親友食飯...兄弟姊妹們都是座上客呢~
豐富的一餐.....雖然早起身，又忙足一日....不過我真係好開心呢~

回到家已經快12點.......

做完今次姊姊...我估我.....短期內都不用啦...哈哈!