20140625 Taipei Bday Trip@Day 4

最後一日啦...今日以食為主...哈哈!

一起身就去CHECK OUT 啦.....之後就出發去渡小月啦~
老公來台多次都未嘗試過，今次就安排左去啦~
我地兩個人...食左少少野就走啦....真係唔太好意思!

老公叫左個擔仔麵....

我就叫左個魯肉飯.....店員都用奇怪眼光望我地..

 點解我地食咁少呢?因為有下場囉...
老公話呢司有間咖啡弄，我地可以順路去食埋!

 去到咖啡弄門口...前面大約排左3pair 人...心諗唔係咁勁嘛?
但行到埋去...依...未開既?!

咁岩就聽到後面對情侶就話仲有一分鐘就開門....
yeah...真係等左一分鐘就開門有得入啦~

香港排到長長龍...來台灣必要試下既!
點左份share.....超飽呀....兩個人都食唔晒呀!
配料夠多，而且好夠香呀...一上菜就已經聞到餅香!

老公叫左杯coffee，我就要左杯果茶.....好yummy!

食飽咖啡弄...我地就出發去微熱山丘 (sunny hill)買手信啦!


去到職員會問你來買手信定飲茶...
我地話買手信佢就帶我地入去張長台度坐!
坐底左就會有職員送左一份食物...就係鳳梨酥一件及一杯茶...
wa...好nice 呀!
但我已經飽到反肚啦!!!
試食完，我就決定唔買啦...因為口感唔係我想要既!
太實啦.....我想要鬆鬆軟軟既~
老公買左一盒大一盒細~

買完餅我地就去附近既誠品呀sogo等等行下啦~

行左陣就決定返酒店拎行李去台北車站附近食牛肉麵啦~

老公睇書話有間好出名既...我大約知係邊度...
(上次同爸媽來台時去食過)
六點左右，我就帶到老公來啦~
 

湯底好濃呀...老公覺得好好食..

最後，我地就坐番bus 去機場啦!
比我地想像中快要到達機場!
(我怕落雨會塞車，所以早左少少到..早知再行行街先啦!)

 雖然我坐唔到kitty 飛機..但都要參觀下`~

我已經預留左時間去參觀kitty侯機室呢!

痴痴呆呆咁等到九點幾，終於就上機啦!

上到機我發現....如果我係坐對面隻機有幾好呢!!!!

不知因什麼事...飛機一直都未能起飛...
中途見到好多消防車圍住一架FedXX 既專機....
係飛機上等左半個鐘左右...就飛得啦!

快飛快飛...我好餓呀...快派餐比我啦!!!
六點幾食完野到而家快十點啦....我餓到不得了!

今次飛機餐....係叉燒飯...
我餓到用光速食完整個飯...
連老公果份都係食左幾啖...我已經全清啦!!!
我第一次餓到清左成個飛機餐呀!!!!
不過都幾好食呀...叉燒夠嫩滑!

醫完個肚...我就乖乖咁繼續訓覺等返到香港啦.....Zzzzzz
4日台灣之旅完左啦!

yeah...寫完啦..下次旅程再見~