20140624 Taipei Bday Trip@Day 3 - 九份 + 饒河夜市

去完猫村，我地就坐番火車去瑞芳啦，一個站，好快到~
去到瑞芳第一件事...唱錢!!
因為得番1-2K台幣咋....

去到瑞芳其實都兩點多...好迷茫呀....眼見到既地方都無銀行!
最後衝左入旅遊中心問...好彩...附近有~

唱錢時又出現問題...無帶入台證!!
oh no.....不過好彩...無入台證只係無發票，而唔係唔比唱....
離開時見到...原來銀行係收3點半架...
唱完已經3點有多啦...真係...好好好好彩呀!

有錢啦...心都定番~
即刻去食野先...哈哈!

是旦衝入間牛肉麵.....點知好好食!
如果去瑞芳，大家都可以試下...係火車站附近架咋~


雖然牛肉不多，但老公話湯底超濃超好食...
肉都算嫩!

(其實可能係太餓...哈哈!)
廚房係開放式架....可以睇住廚師煮麵~

食飽飽，我地就去坐車上九份啦!

一去到車站就見到有班車去九份...點知...趕唔切!

等左陣就有另一部啦，雖然唔係書上寫既號碼，但我地都照上

(其實見到前面對情侶問係咪去九份)

吉車黎架...好多位坐呢~

去到九份.....都係行行企企食食食...哈哈!
見到有茶葉，又走左去買....
試飲完凍頂烏龍茶，即掃!!
好飲到爆炸呀...哈哈!
認住下圖啦....呢度有個叔叔即刻沖比你飲架..
仲會教你點品茶呢~

去左九份幾次..都無食過芋圓....
今次終於去啦~
冰多個芋圓.....出名就係咁?!

食完芋圓又周圍走走....

炸花枝....麻麻地~

係九份行行企企食食左一個鐘左右，我地就決定走啦~

直接坐bus 返台北市!

向饒河夜市出發!

(其實我係向五分鋪出發...掃貨!掃貨!)

六點都未到，我地就到左啦~
夜市都未開齊...我提意去五分鋪
(哈哈哈哈...奸計得左!)

係五分鋪遇見仔仔~

行左差不多一個鐘...就返去夜市lu~

其實好攰好攰又餓啦~

見有間食麻油雞...即去~
(我想試下台灣既麻油雞究竟係什麼味道!)

我覺得同我煮既差不多呀...哈哈!
不過可能我地揀左最平既雞，雞肉不太滑~

食完麻油雞，我地就繼續行夜市啦~

好想買野好想買野....是放我忍得好辛苦~

唯有...努力不停食同飲!!!

冬瓜茶...甜到爆炸!

燒玉子....見到好多人排隊又掛晒什麼康熙來了推介等等...
所以就試下~

玉子包住蟹子...雖然材料普遍但超好食!!!
滑到不得了....推介!!

臨走前見到胡椒餅不用排太耐，又見去3次台灣都未食過
就決定試下啦!


超級好食!!!
唔怪之得咁多人排隊啦!!!

食完餅，我兩公婆又再買野飲...
我飲苦瓜汁....

老公飲唔知咩果汁....忘記左名...但味道好好~

今日控制得好好呀....但都有兩件收獲...哈哈!

究竟今次係為老公生日來還是為我shopping 來的呢?