20131122 - Cotton Wedding Trip@Malaysia (Malacca)

原本打算今日早少少起身....但最後....懶蟲當然賴床到最後 :p

RM1元一程...平到呢.......HK$2.5 only..遠近都RM1...除了機場線!

吉隆坡火車有少少落後.....入閘可以用機入...但出閘多數都是人手收飛..~_~"

原本的長途車站是在Chinatown 附近的，但最近搬了去Bandar Tasik Selatan旁..

叫Terminal Bersepadu Selatan

有天橋連接住的，不會走錯~

入去車站，第一時間去買車飛...

我在網上看到網友推薦坐Transnasional....當時Transnasional未有車...

要等一小時....就等吧..反正都未吃早餐!

車站內有大型顯示版..各大巴士公司開車時間都有~

這個車站其實不止去馬六甲...還有去新加坡等等!

估不到...Transnational貴就貴在....會打客人名架~

買完車飛，我們就去吃早餐!

去了吃昨晚想吃的漢堡包~

(老公昨晚說最衰吃了Subway...不然可試這家漢堡)

好啦...今早就吃!

不過我都發現吉隆坡好多漢堡包吃~

點完餐就會連機給你，同韓國一樣.....

食物可取就會震~

薯條好好吃......厚厚的牛扒....是新鮮牛肉弄碎整成牛肉餅!

有少少根....不過都ok的~

食飽飽就差不多夠鐘啦........走去等車啦~

班車最後delay了少少先到...

一覺舒服睡到馬六甲...兩小時行車呀....不睡一睡就傻瓜了~

到達馬六甲後，我們就看看回程車時間!

同一個站，穿過商場去另一個巴士站坐馬六甲巴士入城!

好多blog 友教坐17號!

好多人一起下車的，放心，實不會錯~

而且在地標邊下車!

馬六甲巴士..RM1.3..上車買飛..同司機講或出示圖片說去那就可以

好多人呀...好彩早少少到...先有位坐~

沿途見到媽咪麵...在馬來西亞周圍都見到架~

一下車見到我的Kitty...超O咀!

每部單車兼人力車都是這樣........

車上還有強勁的音樂...........

簡直...想坐都卻步!

到達荷蘭紅屋廣場 ，這個水池是地標之一~

但由於後來的建築物維修中....所以靚相不多!

紅教堂~ 

之後我們就沒太跟書.....自由地周圍走~

亂走走到鄭和博物館...可惜.....維修!

行上山去聖保羅教堂......行到一半望回頭...好好天呀...

我覺得好美....不知大家是否覺得?

 同一個位置向上望....到啦~

周圍都見到可愛的猫猫!

到了~

 這個教堂在1521 年時興建的...好長的歷史呀!

 由於有經歷戰火洗禮，教堂已不完整了~

這些都是荷蘭墓碑........

教堂內有好多塊的.....不過都是放在一旁....

 教堂後方是博物館，由於我覺得沒太多時間就不去行了~

回頭想離開教堂去其他地方時...就見到我最害怕的動物!!!

但只有一條路，我真的好驚呀!

遠遠已經見到有個人的手上有我最怕的動物......

從相這個位置都已經望到....你說多大條!

(相入面最遠的人後面就是了)

 我影完這張相才見到那人的....如果不是，這張相已經delete掉了!

我連這動物的名字都不敢打......大家都知我多害怕!

但路只有一條....怎算!

好彩...最近我們的泂是能夠進入教堂的!

一入了教堂我就立即向前衝...下山去!!

一下山就到了另一個景點.....聖地牙哥古城門
都是已經不完整的....不過跟教堂建築很相似~


我心仍未定........周不時向山上望...那人會不會跟來?!
當然是沒有啦...不過心情有少少受影響了~


驚險事情還有後頭......我們下回繼續~