20150409 - 追櫻之旅@新慶洲 -> 首爾Shopping day

肥人我會努力加油!
仲有幾集, 首爾釜山之旅就完啦~

挨左一晚, 終於天光啦~
肥人真係執野都執唔切地離開間Motel..真係想講句byebye你條尾!
嚴重唔夠訓既情況下....肥人直訓到首爾!
其實都係3個鐘..哈哈!
(同伴們取笑我好彩有程車訓下, 連續兩晚同2個同房人傾到半夜...
仲要一晚比一晚夜)
難得嘛....傾下大家呢幾年既事!
(去旅行前其實我同大部份已經好耐無見, 只有一個有聯絡
去完旅行後, 反而個個月都約出黎食飯)

又係Ice Americano..不過都幫我唔到...

食完個早餐就上車訓覺啦...首爾見~

返到首爾, 我地去酒店放但行李...
都係前幾日果間酒店, 完全識行啦~
放低野我地4個女仔就出發去行地下街...
另一pair 情侶就去自己想去既地方!
仲有兩pair 情侶係新慶洲, 去埋景點今晚先上黎首爾~

女人...天生購物狂...哈哈!
同行既同伴們, 買到...飯都差少少唔使食...
肥人我頂唔順呀, 見到有野就即刻叫停大家...哈哈!
好餓呀!!!
真係咩都唔理, ...點呀點呀!
點左個壽司, 韓國壽司真係好好食!

周圍食@勝博殿

話說....12月初時....肥人約左個好朋友聚會!

原因: 交收手信, 一樣令她瘋狂的手信...哈哈!

今晚齊齊試新餐廳 -- 勝博殿

因為有限用餐時間, 所以係餐廳門口等埋朋友先入去~

無聊影下門口..哈哈!

朋友係幾個街口外, 好快就到啦~

由於朋友比較餓, 我們就點了一人一set啦~

再點左個前菜!

前菜不算貴.....主食都不算貴!

普通豬扒都係68蚊, 加20蚊就有個set 啦!

周圍食@炑八韓烤

話說, 11月時老公漏低肥人係香港, 自己同細佬去旅行!

是晚, 妹妹陪肥人食飯呀!

妹妹選了韓國燒烤呀!

見炑八韓烤有位, 就去左食LU!

我地都係第一次食!

炑八韓烤既生菜....係無限添加架!!
我超鍾意呢點呀!!

點完食物, 職員就會幫你加蛋液....一邊就放粟米同芝士!

你可選淨係蛋OR 加泡菜係入面~

都無加免費添加架!

點了5花腩....

肥人住院初體驗.....

肥人我...自從娘胎出世後, 一直都無住過醫院!

2016年頭幾日, 肥人心臟有少許唔舒服!
心跳會突然好大力!
其實一直都有, 不過休息一排就沒事~

今次迫得肥人不得不看醫生既原因係...
心臟跳得好好好大力既情況, 係兩小時內, 出現左3次....

真係一直都未試過發生得咁密!
所以肥人就決定即刻去睇醫生啦!

我自己既保險agent 介紹了一位心臟專科李醫生比我~
經李醫生檢查後, 他說應該不是心臟問題!
不過, 做個詳細檢查大家都安心少少!
就係咁...肥人就有了第一次的住院體驗啦!

星期一 肥人自己一個人準時4點幾去到浸會醫院~
辦好手續就會有位姐姐帶你上樓啦~
上到樓就有護士幫你檢查一下先...護士就會帶你去自己間房~

一入到房...依...咁黑既?!
房既大燈沒開....依......有少少恐怖呀下!
肥人住6號床, 一邊係廁所, 一邊係5號床!
亦近大門的~
護士介紹完床既設施就會幫肥人拉埋簾...
依.....
.無肥人想像中咁恐怖呀!
拉埋簾, 就係一個小天地...哈哈!
連燈都獨立有兩個係天花, 好光猛的!

肥人揀左第二類房, 可以有獨立電視既!

20150408 - 追櫻之旅@新慶洲 ParT 2

是次旅行...其實肥人當自己跟團...

其實...我都唔知自己行左去邊度...哈哈!

只係跟住朋友.....

見什麼就影什麼.......

不停由前行...又見到一地櫻花既路啦...

大家又開始...興奮興奮同興奮!

來啦....又影一輪~

影到真係夠啦...就繼續行...

朋友說, 我們既目的地係一個公園, 入面有個湖?/ 河?, 兩旁有大量櫻花樹!

依....好似會好靚咁.....

行左一輪...終於到左!

依...真係好靚呀~

兩旁好多櫻花, 圍住個湖/河架!

大家又不停影影影....

肥人仲好好彩呀, 捕捉到櫻花落水既一下...

起左圈圈呀~

好靚呀!

由於開始天黑啦.....大家都努力影!

其實, 日落都幾靚呀~

我鍾意呢個天色呀!

周圍食@皇家太平洋酒店

12月頭時, 某鋪頭做買一送一既雪糕!

肥人當然不執輸....只排了20分鐘就有得食啦~

一行6位同事齊齊食...哈哈!

是夜....一年一度公司Xmas dinner 就舉行啦~

今年係第一年係皇家太平洋酒店食....好近公司呀.....十分鐘內就到啦~

麵包好好食呀....微暖的~

頭盤.....

煙3文魚有少少咸....不過煙3文魚就係咁...不是嗎?!

分量都幾好.....

上面的係芒果, 少少酸少少甜....幾開胃架!

20150408 - 追櫻之旅@新慶洲

食左早餐我地就出發去火車站坐一個站去新慶洲啦!

去到車站仲有時間, 我地就周圍走走啦~

見好多人排隊買呢個鋪, 我地就去睇睇啦~

我地買左6個...本以為係麵包...

原來....係魚蛋呀!

有咖哩味架.....好好笑既味道!

6舊魚蛋...又係笑聲中消滅左啦~

買左未桃飲下~

我的聖誕禮物

肥人我...係Thanksgiving 時....係Amazon.com 買左隻....DW手錶!

等左半個月...終於來到啦!

肥人太慳啦...因為....用左最平既運費去運隻錶..哈哈!

黎到香港之後就會由香港郵證處理...

咁...就大獲了...

因為呢....每日郵差叔叔只會黎我公司一次, 就係早上十時左右...

我份件.....係海關度Delay左幾日...

清完關後, 足足...等左2日先到....

來啦來啦...細細盒.....

一拆開...好多吉位呀!

不過都有泡泡紙係底度保護, 不錯!

真身其實好細架咋...