結婚四個月晚餐~

補ge

4月25日係我地結婚四個月，所以煮d 佢喜歡ge 菜比佢開心一下


好簡單ge 金菇肥牛卷~
不過要花少少時間去洗乾淨d 金菇及慢慢卷laaaaa....

三個人食，買左半磅肥牛加2包金菇去整~
一塊肥牛，我包左好多金菇落去....但又唔係係同一個位wo....一路卷一路放....haha~
除左肥牛卷，我係街市見到老公最愛ge瀨尿蝦呀...仲識跳架....忍唔住買左20蚊返去比老公食....
20蚊都有成20隻有多架......可能因為就收工la.....
不過最緊要老公食得開心ma~

今晚食到老公勁高興.....

材料:
肥牛半磅 (街市有三種價錢ge肥牛...我買最cheap 果種~)
金菇 2包 (街市亞姐係咁迫我買多包...十蚊三包比我，我最後用左兩包~)

Step1:唔使問都知係洗金菇la.....
Step2: 包咯.....其實我包得有d 傻，通常都係包一束金菇就算ma...我一路包一路放一束金菇...變左d 金菇好似有層次咁~
Step3: 慢火煎一煎，面有少少變左色就拎起
Step4: 落沙嗲醬及清水煮一煮...加少少鹽調味，再加少少辣椒油...
Step5: 汁煮得差不多就放番d 肥牛卷落去....見d 金菇淋就可以上碟去~
p.s. 我煎完肥牛卷我見佢地係碟度出左血水，所以番煎左一次先煮汁~

Dressed

裝修左幾個月有多...呢間野終於都肯開la....
同事話試下..........trytry la....價錢都唔算太貴ge~

先去買飛......之後就.....等lu~


佢係即整架....所以買左飛就等la~

等等等等等等.....好快就有得食la~
我唔記得自己揀左咩沙律配是日意粉.....我記得係白汁意粉....
真係....好健康呀...無料咁滯.....味道就淡淡白汁味la.....佢sell 健康又真係....ok ge~

同事揀左湯加沙律...唔好以為會唔飽呀....都ok 架~
因為沙律大大份......食晒都幾飽架.......
最好ge 係有可樂揀....唔使加錢架....haha~


飲埋可樂就飽到顛la....我連沙律都食唔晒呀.....haha~

龍蝦~

爸爸的同事....其實真係待我們一家不錯.....起碼有好野都會叫埋我地一齊~
上次爸爸跟她們去吃了龍蝦餐....爸回家後比相我睇....我係home大叫......
爸將大叫之事話左比班同事知...體貼的她們.......說再去吃!!!!

地點選在銅鑼灣...方便探病後過去.....

龍蝦來了......我即去影影影.........

員工都好識do....先比我地影相再幫我地分....haha~
每人有半邊加少量伊麵...........
味道係咸左少少...都可接受la~

成功拆肉....haha~

咩時候可以一家人黎食呢?

女人天生購物狂?

女人天生購物狂? 我認為係!
特別係一轉季....去到邊買到邊....
有d 人，特別對鞋好鍾情....明知未必著到，買番home欣賞都好，我就係呢d 人....好多鞋都係買返home...欣賞......

某日做完Facial行過見到.....即買~
$99，好抵呀.....擺係度都抵呀.....
我老公第一眼睇到......又買咁高?
haha.....老公以前成日都想我買d 高爭鞋返黎著....但我成日都腳痛後...佢而家反而唔想我買咁高.....
真係唔知係好定唔好呢?
不過呢對前後都高....減番其實都唔算好高啫....haha~
用黎返工都ok ge~

呢對我老公舉腳ok....因為平底囉~
呢對係赤柱買架...估下幾銀?真係平到笑呀...87蚊咋.....
估唔到係赤柱都有d 咁ge 價錢ge鞋囉我.....都ok 舒服架~
真係...唔買就傻瓜la~
連我99都話幾好睇呀....haha~
返工又係一流呢~

薑蔥蠔

今晚試新野....老公愛食GE菜之一......薑蔥蠔~
第一次煮....唔知會點.....haha....but老公話想食...頂硬上la 唯有!


材料:
蠔 (一碟...街市成日都有一碟20蚊果d~)
薑 數片
蔥 1條

洗蠔方法:
街市個姐姐教我，用個"西"不停咁"西"d 蠔，咁就會"西"走佢d 滑sansan ge 野......洗蠔呢...真係勁花時間囉....
一邊要不停用水沖，一邊就不停"西"d 蠔wo...仲要"西"左好耐，"西"到手都軟埋都仲未得囉.....
不停咁係"西".....最後唔得先放栗粉"拿"一"拿"佢.....但"拿"完...又要繼續"西"!
你見d蠔乾淨左好多，白左好多la...就要一隻隻摸佢，睇佢有無d 殼痴住......總之only 洗蠔都玩足我半個鐘架~

Step:
1) 洗完ge 蠔，要用微熱ge水拖一拖佢.......d 水唔好滾，但要開始熱ge 時候~
2) 燒紅隻鑊, 落少量油及鹽
3) 落薑及蔥炒香先~
4) 再落蠔炒~
5) 加少少蠔油開水
6) 滾左就繼續炒d 蠔，炒到佢收水就ok la~

薯仔蕃茄湯

結婚以來，整得最多應該都係呢個傻仔蕃茄湯....快靚正maaaaa....
一個鐘左右就有啖湯飲下wo......係咪?!
妹妹話我煲呢個湯都有進步左....即好飲左....haha~

其實呢......只要煎一煎過d 肉碎，就會好飲好多架la......
有無煎過，我老公一飲就知道.....
不過佢都係咁鍾意飲...........

材料:
深紅蕃茄 x 3
傻仔 x 2 or 1
肉碎 around 10蚊

Step:
1) 先處理薯仔.....因為我想佢先煲，可以煲到林d，入口即溶~
2) 肉碎洗洗佢就醃佢十五分鐘up.....當然唔好太耐la~
3) d 薯仔煲左十五分鐘左右就落蕃茄la~
4) 煎一煎肉碎就可以擺埋落去lu~
5) 滾多十分鐘左右...調味就ok la~

p.s. 如果大家覺得我有錯..記得話我知呀....thanks~

拜託，我唔愛你呀!

拜託啦拜託啦，病菌先生，我一d都唔愛你呀...請你快d 離開我la!
我足足病左兩個星期，睇左兩次醫生....救命呀!!
兩次加埋都七百幾蚊la....好貴呀.....
第一次係自己都知自己有d 唔舒服...但亞爸幫我量血壓...點知血壓無事，心跳就去到108......嚇到我老公即刻換衫同我去睇醫生....果時係11點50分.....趕得切係12點前入到去睇醫生.....
跟住食左d 野，時好時壞，有時就好好地，有時就好辛苦....
到上星期四又係好辛苦咁.....返到home 放左陣我老公返黎一摸...發現我熱到爆，連同我妹捉左我去睇醫生.....total 440 落樓..原因: 抗生素
醫生都問: 依...你仲未好呀?
連佢都認得我囉..............
星期五, 六及日三日連訓.....今日已經叫做好d la....d 驚都通通食晒.....今次再唔好...我真係唔知點算好la!!!
拜託la....病菌先生...我真係唔多love你....你走la~~~~

商戶評分篇之Mua@Makeup Secret

要返回現實la....打下商戶評分咯

大肥人覺得網上資料太多，花多眼亂...所以商戶評分係絕對絕對非常重要的...因為呢d都係親身經歷，無花無假ma~
我會用中肯ge 意見作出評分，希望可以幫到手忙腳亂ge 你la~ ~

Gi Wu@Makeup Secret        (5個為滿分)

如果有追開我個blog都知道...大肥人我只係試過兩次妝就confirm Makeup Secret，大家都可能聽過我其實唔算太鍾意:
第一: 我心水ge no 1 化妝師果日已經full左.......
第二: 我覺得佢化到我有d 老老地...特別係褂頭
第三: 我明明講左唔all back，亞Gi 試妝當日都係不停all back..原因係要試d 我覺得唔得ge 野....佢話咁令我知道唔係我認為唔襯ge就一定唔襯..
第四: 唔知係咪同亞Gi 有咩誤會係試妝時發生左....所以試妝當時佢都coolcool 地~
but 我學化妝果個朋友及我老公都話好同靚.....而個價錢又真係靚到無人有...咁當然，我join la!

join左之後....我都無咩後悔過...仲好努力地搵d 圖呀相呀等等比亞Gi 參考~
我要求佢化得我young 少少la.....
結婚前都同亞Gi email來email去....仲一confirm 裙就即send比亞Gi睇....
到我婚前一星期左右...我call亞Gi 約揀頭飾.....我一開始係約1121....但亞Gi話20號係好日...D 頭飾會出晒街.....最後佢提意23號左右揀....但我最後話24號下午揀.....咁好laa....到我22號左右.....因為攝影公司係夜晚7點幾時話成長片後拎得，咁我地決定去拎時....順手打比亞Gi 問可唔可以而家上去揀.....佢又好nice咁話無問題wo~
上到去...亞Gi nice 到不得了....連我老公都話亞Gi 今日好hyper......
因為佢好似炸彈咁一連串不停講野........不停話比你知佢已經諗左七七八八....
仲不停拎d 頭飾呀首飾黎問我鍾唔鍾意等等......
總之揀野呢晚就令我放心晒....因為原來亞Gi唔係一個cool ge 人.......(我好怕我問你一句你答一句果d 架)

婚前一晚confirm 亞Gi 房number...佢仲千叮萬囑叫我搽層厚厚ge 潤唇膏先好訓...係要好似full 唇mask 咁....
其實佢唔講我都會做...因為我影pre wedding，試過咀唇係乾到甩皮架!

當日，亞Gi 好準時七點半出現，其實係725就出現la!
拖住喼同佢助手一齊到達~
佢仲睇左間房一個圈就搵個靚位化妝，我地係望住窗外化...亞Gi話房太暗la，要利用天然光先得....
佢一見到我有咁多頭花...眼都突埋......但就好高.興有咁多花比佢.....
佢好努力不停咁化......

雖然佢話兩個半就夠...但最後佢都由730 化到接近1000，不過都ok la.....咁佢唔係730就開始架ma...黎到仲要搵位同set 野呢....
當日個攝影師，亞Gi都認識，佢話拍過幾次檔.....
到玩games時，亞Gi都有入黎陪我一陣.....
影相呀等等，佢通通都係我附近....
全日ge service，亞Gi真係除左食飯同我有野做之外...佢通常都係我視線範圍內架.......
總之我一有需要呢...佢就會出現....就算我無需要呢...佢都會自己出現幫我整下野.....
就連我條鋼紗有問題...我都係搵佢架.......
最記得係亞Gi話: 如果條鋼紗甩到落大脾我就同你入番房整la.....
我答: 已經係大脾la.....
嚇到亞Gi 拿拿聲唔理三七二十一...拎起我條裙帶我走.......無錯...係亞Gi佢幫我拎裙架.......
全晚入面....亞Gi都唔止一次幫我拎裙......佢完全係伴娘係姊妹黎架.....haha

至於換妝....除左由褂妝換西式妝要耐d 之外....其他通通都好快手呀.....
最快一個係15分鐘我就已經換好晒衫整好晒野出番黎la 可以~

當然，當日ge 妝同頭等等....我都滿意到極點....因為真係好靚呀....我自己真係好鍾意呀...
好多朋友都話我造型等等都好得呀.....我有個同事仲話每個造型佢都好鍾意呀 (唔係吹水果d 黎架，呢個同事講野好真架...佢係好就好唔好就唔好，唔會為左客氣說話而讚你)
至於化得我young 唔young???haha......本小姐係公司有個花名叫童姥....
我d 男同事一黎到...一行埋黎影相...佢已經望實我講: wa...你真係童姥黎架wo~
haha......