婚後第一個情人節

婚後第一個情人節呀......
真係估唔到囉.....我突然發燒!!!
食完lunch 煲完劇之後....就開始覺得怪怪地.....
然後越來越辛苦.....但同事又話我無發燒wo....
到放工時已經無晒精神又忽冷忽熱咁.......咁岩老公未放得工...咁我就去睇個醫生先.......
用左唔使十分鐘ge 時間就已經睇完.....haha~
之後等老公期間就去左買朱古力.....why??
因為我送比我老公份禮物收埋左係屋企呀.......佢上星期四晚出TRIP去左澳門...我就係當晚偷偷地去兼收埋係屋企某一個地方la....起初我收係衣櫃入面架....但我爸爸話: 收埋係個喼度咪得囉，佢又唔會無lala開喼ge，又夠晒大wo....個喼仲係我房，佢更加唔會入黎la....
岩....爸爸好醒呀....................haha!
雖然病左...但都盡力去完成餐晚餐先得....因為我老公好重視第一個情人節......
老公黎到TST 之後就同我去坐地鐵....真無聊呀....一早話我知係中環等咪得囉...仲懶神秘咁.......最後就搞到買唔到禮物比我....置地D 名店係收8 架ma....不過我都開心買唔到....太貴la...買個袋......成萬蚊wo....
之後我地就行去開餐lu.....仲係餐廳撞到我老公兩個同事tim.......


餐前小食...........XDDDDDD.....


前菜呢.......我覺得幾好食呀...仲要係一人一款唔同架....
我係火腿......


我老公係帶子.....

湯其實都有兩款...一款係磨菇湯...好正架...
另一款就係龍蝦湯....um....普通龍蝦湯味la~

湯同主菜中間有個小食......前係焗蠔...後係焗鮑魚粒...當然...唔係好多鮑魚la....haha~

主菜來了....我的大蝦鵝肝天使麵...但出左黎變左意粉....都ok la...算lu~

牛魔王當然要食牛.....焗SO皮牛柳....都幾gd ar~

點會少左甜品呢....心型ge 布丁呀.....都ok 架~



仲有呢度我覺得整得好好食ge 心太軟呢........yummy~

每人送一杯香檳，可惜我病了...飲左兩啖only~..

送給老公ge 朱古力......haha~

賣相有d 差...不過應該都好食掛?病左所以未食呀....haha~





同場加映: 星期五ge 腸胃炎藥.....
頭尾都係用藥黎做結尾...呢個結尾收得唔錯la 掛????

MeRry chRIStmAsSSSSSSsss 及結婚一個月

MeRry chRIStmAsSSSSSSsss 


大肥人係度祝大家聖誕快樂...個個都開開心心地過節~
今日亦住大肥人ge 結婚一個月紀念........but我今晚要去飲.....haha....陪佢唔到....已經比佢怨左我一個月la....haha....好la好la...我今晚早d返黎囉....橫掂係食自助餐之ma (if 無生蠔的話.....haha)






p.s. 呢個blog自從up左之後就有d難搞.....每次要整d 字色同字size都覺得好煩.....我唔知大家有無呢個問題....整完d字大隻d再轉色會每d 字細隻番.....真係好谷q氣.....
有次d 字想用唔同色又有d 煩惱....
好彩我識少少HTML.....咁我就直接係HTML 果度改色改大細....但有d難d ge 我就唔識....而家我都覺得好煩呀!!!

商戶評分篇之都會海逸酒店

呢個酒店...好bad!
一開始ge 時候我request左要1125號間房......因為佢第一次帶我睇就係1125呢間房....咁好la...既然咁有緣我就book你la......
點知結婚前一星期左右打黎，話1125間房個客續左租所以要換房比我......咁都無計la係咪先....因為book時都講明未必一定比到呢間....咁我都明白酒店都有難處....咁好la...無所謂la......雖然轉la........咁佢話換1122比我....聽到都覺得ok....因為對我地黎講都有紀念價值....所以我都一口應承左佢la~
好la.....到23號...酒店再打黎....佢話連1122間房個客又續左租....唔可以比我.......
我真係即刻火都黎埋.......點解你唔sure個客會走先叫我轉房呢?你可以唔講個number比我聽住先架ma.......到而家又唔得.....我已經開佢拖問佢究竟想點，而家已經係48小時內...就算cancel我都係要比錢....係咪迫我呢?
你早一日話我知我地可以cancel你然後搵下有無其他呀....而家48小時內.....擺明一定要我住?
最後個職員叫我等一陣再call我......後來佢再call我，話1122果間房有個大肚婆，個大肚婆唔係好想搬.....咁人地係大肚婆...我都無計la......
跟住個職員就話免費upgrade左間大d ge 房比我....係700幾尺果款.....都幾好呀...咁又是旦la....廢事煩la......

直入廳...

行入廳中途會有廚房~

入房.......

唯有讚ge係....d梳化係可以變梳化床架....call 職員幫手開床就可以la.....真係變左張雙人床出黎la.....haha.....最後我爸媽訓房床，我同我堂妹訓梳化床....我妹就訓自制床....haha...

 

同事生日飯@Marco Polo

遲來的同事生日飯...haha....明明同事係十月頭生日ma....
我地竟然十月尾先同佢食飯....
好彩佢唔介意呢....haha
我地就同佢去食餐好ge!

Marco Polo ar.....haha....
其實我地有優惠呢~


先食冷盤la當然!!


當然唔少得沙律la....haha~

素食@大自然

今日爸爸call我話一定要記得買龍鳳被黎過禮.....迫於無奈就搵同事陪我去la..(大少唔得閒)
去左CWB 間SOGO睇，好快就K.O.左la!
之後去食飯la.....由於今日係初一ge 關係....我要食素呀!!!!
好彩同事都ok 鍾意食.....haha....
兩個女人...叫成台野....haha!

呢個唔記得叫咩名，但好好好食....連唔食豆腐ge我都覺得好好食
好滑呀~


又有我最愛ge.....四季豆...不過呢間炒得麻麻地.....haha...唔夠野味~

次次呢個同事都要食ge......芋頭魚.....兩個女人...點食??
但次次同呢個同事食素...都要叫架.....佢話唔係成日有機會食素ma....
所以佢同親我食素就叫囉.....但兩個女人....點食得滯wo!

仲叫左個南瓜焗飯...呢個真係very gd ar!
上菜時就如下圖，咁職員會幫你切開埋佢方便你食到d飯呀~


切好lu...d南瓜勁甜呀...可惜兩個人....最後打包半個南瓜.....haha~

淘寶絲襪..haha

同同事一齊去淘絲襪，人仔6.8一對...都ok 掛?
一收到......wa...大s ar.....勁wo.....大s 代言絲襪...
雖然都係一件正常事.....整體都覺得ok ge.....
不過呢.......有少少"娘"呀個pose....haha

又遇無良淘寶賣家

姊妹們...我又遇上無良淘寶賣家了....
唔認錯仲要不停話係我問題...話係我唔CHECK 清楚就收貨...
話佢地唔會寄少左野...仲串我唔CHECK 清楚咁都收呀?
有珠甩左，又話係運送途中甩左，唔關佢地事，叫我同COURIER 講....
痴線架....

"wuyong00:meimei(2011-10-26 16:35:41):
运输过程中造成的损坏当然是快递的责任 破损拒签我们可以找快递赔偿，货物缺少也是要您当面清点 要不怎么说的清楚呢 ，您了解一下淘宝交易规则把 还好说的是少了2个扣针 要是说少了2条披肩 您也这样就找我们算账吗"

呢間呀...唔好去呀!!!
http://store.taobao.com/shop/view_shop.htm?user_number_id=10345200

我們的第一個中秋夜 (更新)

是日男友父母不在港，咁我就諗不如煮飯仔la，唔好出街食la....橫掂都放早ma.......
原本放四點，不過同事有野要搞，我就留係度幫下手等等搞到五點左右.......入將軍澳都係五點九左右......lala聲去買餸la我地.....本來打算整碗仔翅比我bf 食，不過我今日食素而bf 又唔想破壞左，就改食全素la....煮左栗米湯加翠肉瓜雞脾菇白汁芝士意粉........
唔好以為我咁叻識整白汁芝士(雖然我都識識地...但材料有d 貴...所以就算)，我係買一罐罐ge白汁芝士醬，真係抵好多架.....都係30左右一罐，最少可以用兩次呀....如果自己整，真係又貴又用得一次...唔抵呀!
買完粉意, 醬等等就落左街市買配料la.....行左一陣都唔知買咩好，因為唔見有d 菇呀.........行到菜檔，問bf要西蘭花好唔好....佢又話無咩所謂....咁不如翠肉瓜la....
行左幾間先買到雞脾菇咋....仲要係last one la...真係好好好好彩呀.....如果唔係就要返百佳la買一盒盒果d la......一來貴d二來又太多la...(不過雞脾菇切埋切埋都唔少...仲加埋入栗米湯度食tim ar可以~)
行出街市，我先諗起要買洋蔥....好彩行左幾步....lala聲叫bf 企你度等，我自己跑番入去.........bf是日著住西裝行街市.....好怕整dirty 佢套西裝，唯有自己快手快腳la........
最後買齊野就返home 換衫開工lu~
用左個半鐘呀先完成....我手腳有d慢tim....下次要再快d再快d...........

賣相還可以吧我估?
味道我覺得有少少淡...可能無肉ge關係，但我bf話唔錯.....十分滿分就有七分....佢仲幫我清晒所有tim....(有d 仲係廚房無擺出黎)
其實白汁真係比較"流"，所以好易就滯晒咁.......今次份量岩岩好...(其實我煮多左好多意粉...過冷河時先發現，所以抽起左兩碗半意粉，只淨下兩碗半，咁就岩岩好la~)
p.s. 有人話唔好過冷河架...不過都睇大家鍾意la...我就慣左過冷河...但係我下一次都會試下唔過睇下有咩分別先....haha

事前功夫:用滾水煮意粉八至十分鐘左右 (通常個袋有寫大約煮幾耐，隻隻唔同架....記得要不停攪拌)
**** 記得滾佢時要加油同鹽呀，唔係就會無味架la d 意粉，及煮意粉加鹽係唔怕d 意粉痴埋一齊變左一舊舊架la~
跟住唔好開蓋比佢焗十至十五分鐘，當然你可以係十分鐘時開個蓋拎條粉出黎食下，試下軟硬度，我就around 十五分鐘...不過人人都鍾意軟硬度不同，你可以試下先再決定要焗佢幾耐.....記得要加多d 水呀....因為焗佢時，d 意粉會吸晒d 水架.....好快就無晒水，一無水d 意粉就會硬晒架la，所以煮佢時要比多d 水呀......
仲有呀...放意粉時唔好整斷晒d 意粉..要好似散開佢咁....唔好比d 意粉痴埋一齊呀.....(明唔明我意思呀?haha....唔明呀?等我下次煮時影張相比大家睇la.....)
煮法:
1) 先炒香d洋蔥......炒兩下先加d油同鹽....(洋蔥真係very 香呀)
2) 加入雞脾菇一齊炒
3) 加翠肉瓜 (翠肉瓜我有預先煮一煮佢，點知焗左佢一陣就淋晒，所以先咁遲落翠肉瓜，下次煮一煮完我唔會再焗佢架la)
4) 炒兩炒就即加意粉.....
5) 加醬，試味.........
完成lu~ ~ ~ ~ ~
好快同好簡單呀
p.s. 大家唔知有mo食過紫洋蔥呢? 其實紫洋蔥仲好食呀...佢比普通洋蔥係甜好多架.....用黎整洋蔥炒蛋係勁一流呀...不過今晚我怕唔係樣樣野都夾味，所以先用番普通洋蔥咋....haha~

同場加影....bf 整ge 鮮奶燉蛋.....我覺得淡左少少la...bf都覺...佢話今次失敗左，下次再整wo......
佢用錯火，搞到賣相好老呀.....haha.....佢話下次會好d.....
不過入面都好滑架......係淡d la，都有好奶味ge~