心情

肥人以前遇到不如意事時

常常都會發脾氣

常常都似炆姜般

今年年頭時，肥人同自己講

要學習感恩

其實只是從另一個角度睇

感恩仍健在

感恩家人個個都健康快樂

感恩仍然有工返

感恩花仍然花得很漂亮

但….有時….仍然會覺得迷惘

到底，下一步應該如何？

Kitty

我愛Kitty，唔知大家知唔知呢？

某家牙膏，常常都送Kitty產品

前幾日行超市

又見到新野啦

冰袋啊，其實都幾實用呀

剛好屋企牙膏快用完啦

天助我也，哈哈哈哈哈！

肥人最愛這種四四方方

又可以有拉鍊密封的冰袋 :)

尋日仲用這個冰袋去買雪糕回家呢

（同同事夾份買優惠裝）

白的

肥人愛白酒

是晚同老公行超市

見到特價又買番兩支

唔知好唔好飲，不過買左先算 :)

周圍食@小息時間

又多一間良心店講byebye啦

這家肥人好中意食鹽酥菇

周圍食@黑香芒

自從食過一次龍眼味芒果後

肥人每年都要食一次

前排見水果鋪賣$55 2個

即刻又入番兩隻食

皮唔會轉色架

熟左都係青bb

身淋左就食得

味道不會死甜

帶有陣陣龍眼味

其實都清新架！

周圍食@海南小廚

肥人係六月尾跟老公放了一周假

因為他生日既關係

呢個星期呢，我哋又周圍食食食

是晚，碌左去天水圍食川菜

好多谷友話好抵食

不過環境有少少窄

為左食，肥人唔怕

店於一個街坊商場內

Um…窄都還好

抽風不太好，不過間鋪六月尾就會搬

都是同一商場內

希望搬左會改善到抽風問題

肥人想食酸菜魚

有兩個價錢

$65應該細細份，就點了

魚來了，我們都呆了

隻碗大過我個頭呀！

周圍食@JASELAB

老公六月尾生日

肥人早一個月前就訂位食飯

餐廳無餐牌架

一切都經過fb溝通

可以比個預算食廚師拍板

亦可以睇餐廳相薄，自選食物

餐廳再報價

肥人想食威靈威牛柳，決定自選

除主菜，其他都由廚師決定

準時七點到達

餐廳得四張枱，自己想坐邊就坐

我們選了近廚房的高腳枱

歌3

撞進了冰山 捲上了急灣 一秒從未想折返 

就望到了 就能望到了 終會踏足這峽灣 

劃破了風衣 丟了救生衣 未曾想過會倖免 

逆光中進發 不甘安置到盲點 上路去再實踐