20190511 - Hea爆閏蜜遊@Bangkok I

我地揀左朝早去行JJ Market...
先去7-11食早餐....飛碟我又黎啦...
朋友覺得好好食...所以我地連續食左兩日..hahaa

食完飛碟就坐BTS去JJ Market 啦...
好熱呀....
梗係要食椰子雪糕啦..哈哈!

20190510 - Hea爆閏蜜遊@Bangkok III

坐完火車就上返van仔...繼續去下一個目的地~

去睇下長頸族...

(早幾年肥人係清邁睇過架啦)

落左車無耐就開始落雨啦....
導遊帶我地去其中一個棚再簡單講多句就會自由活動~

呢度既長頸族會賣下野..
你買野就可以免費同佢地影相..
唔買就比錢影..當然..你有心水先買又得..
唔影相就咁睇下都得~

我地見手袋仔幾靚...就買左兩個啦..

價錢都不貴~

雨越落越大...決定去集合地點算啦~

順利上左車...但已濕晒啦....

一路都好大雨...

去到第二個市集...大家都一致地問: 可唔可以唔落車?

導遊話可以呀....咁去食晚餐先啦~

去到餐廳門口...餐廳職員走出黎話因為落雨

餐廳都濕晒...要比少少時間佢地收拾一下...

反正都仲有雨...就坐係車等下啦~

等左陣就得啦..
如果唔係落雨..呢間餐廳都幾好情調架...
係湖邊...望住日落...

好好快就有野食啦...

團餐既關係...影左少少就算啦~

食食下就有太陽...有日落睇啦~

可惜呢個良晨美景好快被一團團既同胞破壞了~
好彩我地都食得7788...就上船仔去下一個景點啦~

日落好靚呀...

好快就到左安帕瓦水上市場..呢個先係肥人想黎既..
呢度有民宿租架...今次無得上岸行下...

下次啦....下次肥人會黎架~

呢度會有好多船坐架..

因為食飯果邊個湖有螢火蟲....

好多遊客係度上船去睇螢火蟲~

遊左一個圈, 我地都出發返入湖度睇螢火蟲

導遊已經講左..因為落雨..今晚可能好少螢火蟲睇呢..

連平時好多果棵樹...今晚都係得兩隻...

睇左半個鐘左右...導遊問我地仲繼唔繼續..

成團人都話: 不如走啦!

因又開始落雨啦...

原定10點返到既團..今晚九點未夠就解散啦~

不過天雨既關係...無法啦~

落車時我地主動比左THB100比導遊及司機~

我地又周圍行下去搵下食啦~

行左陣新商場 - The Market...
不過好多都收啦~

最後肥人亂行地又行左去夜市...

又買左一堆野返酒店食lu~

是晚水果係--蓮霧

好甜好好食呀!

20190510 - Hea爆閏蜜遊@Bangkok II

食完雞飯行去美功火車站, 好近..幾分鐘就到啦~

此團係包坐火車架...導遊先生先講解同集合時間...
就可以自行走動啦!

呢個係總站黎, 火車2:30會停泊係度..

3:30 就會再開出~

20190510 - Hea爆閏蜜遊@Bangkok I

今日join左local tour, 約左十點係Chit Lom站等~
先去食個早餐....唔知點解會去左老麥..哈哈!

食飽飽就去集合...一團只有7個人..
先要坐個幾小時車去丹嫩莎朵水上市場...
導遊講一陣就會唔講野架啦...然後我地就訓訓訓lu~
中途會比十分鐘我地去加油站旁既廁所..
太熱啦, 我忍唔住入左7-11...買左支Q10飲下..Haha~

開多陣就到丹嫩莎朵水上市場....
團係包坐船仔架....
導遊安排我地上船...大約半個鐘左右...
我地三個自己一隻船仔~

出發....
兩邊其實有檔攤..你想睇就可以示意船夫泊埋少少...
不過我地三個都係純粹遊下船河..哈哈!!

芒果呀!

大大隻....想買架...不過呢....咁重..點拎全日喎!

好多水果呢....不過我地都唔想keep一日..哈哈!

周圍遊下..唔算太多野睇..

某D河道好窄..同一時間太多船仔...
有時都要等一陣讓別人過左先可以準備...
不過都順利的~

估計呢度都係做遊客生意多啦...

上岸後導遊就帶我地去食椰子雪糕..

味道不算太好...朋友說有好多烏英呢....

所以試過少少就送左比垃圾桶啦...

上車出發去美功鐵路市場..

導遊先帶我們去餐廳食雞飯, 都是包的~

呢個雞飯都不錯的...

食飽飽就行去行去美功鐵路市場啦...