周圍食@The Joomak

肥人最鍾意就係食韓菜架啦
有日同事話有間新既韓菜都不錯
就帶左我黎The Joomak食lunch!

同事揀左人蔘雞飯套餐, 我就點炸雞飯~
套餐是有包前菜的, 點了醬五花腩...好味道!
肉好淋呀~

同事點既人蔘雞飯係會有湯送架....難怪會偏貴少少!

 雞都算多呀, 肉都不錯.......
仲會提供醬呢...有少少似海南雞飯呀!

周圍食@信興牛什粉麵

信興牛什粉麵 , 我恨我識得你太遲!!
真的, 比其他都好味!!
特別係家庭式經營架!

有次見到有一班男人齊齊入黎, 個個都話係揸車黎食!
聽佢地講佢地係港灣道book 場打完波就揸車過黎食!
仲好熟添同老闆, 我見老闆送炸魚皮比佢地, 每台一碟呢~

價錢又唔係貴....套餐40蚊有野飲有碗麵仲有菜添~
不過位置就偏左少少, 人流比較輸呀!


肥人同老公已經食左好多次, 來來去去都係食牛腩同雲吞!

周圍食@台南阿豆仔

前排一放假就不停去旺角睇裝修野....
一行就行到人地收工先走...
真係行到肥人連飯都唔想煮啦...太攰啦!
屋企附近既餐廳又被我地食厭左...
Openrice 一下..發現有間台灣菜係銅鑼灣...

晚飯時間, 人流不多...
可能唔係大街, 不太多人會留意到呢~
自己有張點菜紙慢慢睇...

裝修都幾特別.....水泥牆又掛左台式物品~

 仲將夜市既燈箱掛係度...真係好台灣呀!

由於好好好好餓....眼寬肚窄既肥人又點左一大堆....

飲品先黎....檸檬多多好酸...好開胃..哈哈!!

柑桔茶都好飲....

肥人無聊生活之買買買!

雖然肥人要開始供樓, 不過身為女人
點都係要shopping一下既...係咪先?
hahaa
------------------------------------------------------------------------------------------

近來香港成日都落雨, 由於肥人對水鞋BOOT 已經爛左....
所以只能著普通鞋返工...
最煩是鞋濕左又要等幾日先乾透..........

所以肥人決定即刻去淘番對平底膠鞋黎做水鞋呢~
人仔35蚊....好快就到左手啦!
有牌子咁喎.....

包裝都不錯...本來驚要散味...
點知原來無味道, 勁呀!
平時淘寶既鞋一定有陣味...要散番一個下午...
今次完全唔需要呢....

小計劃大工程@我們的家

黎緊呢幾個月...肥人可能有少少忙.....

除左公事....肥人忙住新屋既事~

裝修真係好煩又好忙呀.....

忙住係旺角某條街行來行去.....

忙住係一大堆磚入面揀啞面光面木紋直紋........

老公今日想這樣明天想那樣...真係呢...煩死我啦~

浴唔浴室寶好~? 抽氣扇好似好少少喎....

廁所要唔要假天花? 整左美觀少少喎...

肥人主場既廚房...好細....

點樣可以用盡所有位呢~?又要諗一大輪...

要改位又要錢....最慘係肥人缺錢....

連簡簡單單既水喉...都有好多唔同牌子, 不用大小...

揀燈都揀到眼花...真係眼花架....

望住咁多開著左既燈.....

床要點擺, 飯台要點擺, 各個櫃又要點擺...

肥人都諗到傻傻地啦.....

不過點都好, 希望一齊順順利利啦!

暫定八月尾就可以完成架啦, yeah!

大工程開工啦!

周圍食@Green & 曼谷泰菜

前排做完姊妹, 成班約埋一齊食野當慶功一下~

新娘子話想坐定定慢慢食慢慢傾...
要坐定定慢慢食慢慢傾當然首選tea set 啦!

揀左一輪後, 決定去番Hotel Icon 既Green....
(新娘同我都食過, 覺得好味的)

咸點都仲係好好食....不過是次既甜點就.....

甜點是八個波波....唔好以為只有呢8個波波...

看一看食物盤上第二層都有4個同樣既波波...

呢餐每人要食6個波波, 淨係食呢個波波都怕啦...

仲要好好好好好甜....um....真係呢....太失望啦今次!

(明明之前食幾次都好好架, 今次呢個主題......um...希望快點轉啦)

食下傾下又5點啦.....

灣仔生活之無聊走走走

是的...某日...無聊的肥人好無聊地係灣仔...走來走去~
是咁的, 是日是2016年最後一日 (又回帶)

肥人同老公又訓到...黃朝八晏先起身...
起左身先去食過早+午餐+ 下午茶啦!

食飽飽無事幹, 今晚又決定不煮晚餐...
最後我倆周圍走走走...

去左合和中心後面既路....其實都不知目的地是什麼...
見路就行...哈哈!!!

去到盡頭要過一條馬路....見有好多人士再往上行

我倆都著住拖鞋...決定下次再戰!

轉彎下山去, 不走回頭路~

原來聖公會小學係呢度.....

今日天氣都不錯呀!

好快見到一個花園.....
隔離有座廟宇~
已經5點多...廟宇已關門啦~

回到皇后大道東就完結左呢個暫trip啦...
開始黃昏啦~

行返屋企休息下.......都行左個幾鐘呢~

行下又影下相, 又周圍望下...又研究下什麼建築物....

2016年最後一個黃昏, bye~

周圍食@超級三文治

肥人......真係大鄉里!!!
搬左去灣仔先知道...原來超級三文治既早餐係好好食架!!!
肥人一直都對呢間鋪唔算太熱衷, 有得選擇都不會選~
由於平時食開既S!p已經執左...所以就去左超級三文治啦!

肥人唔愛炒蛋...但個個早餐都有炒蛋~
唯有點磨菇少蛋....希望好食少少....