大肥人來啦~

2017年4月1日星期六

周圍食@唐宮小聚

又倒帶啦..hahaaaa

年三十晚放早, lunch 時同同事一齊去食左餐好既做團年飯~
同事揀左新開無耐既唐宮小聚~

肥人睇番資料....係大陸飲食集團開既....算啦..照食!

嘩...有蟻呀有烏英呀!
其實係人地既碗既特色黎...哈哈!
肥人有睇資料, 知道的~
同事無睇資料...所以都話真係嚇左一跳~

呢間酒樓走既係年輕路線...裝修是...
樓面都是....連點心師傅都是!!!
肥人坐既位置剛好近廚房....廚房是玻璃窗的...
可清楚見到師傅們努力這點心...
(年輕既點心師傅...有肌肉男睇架...心心眼喔~哈哈!)

點心併盤...有點精緻啦.........
肥人已忘記是什麼....我都不記得自己有沒有吃過啦!
(是日9人去飲茶~)

2017年3月29日星期三

周圍食@海皇粥店

有無以為自己眼花?

海皇粥店都要寫食評?

是咁的.....海皇粥店冬天時推出左粥底火鍋呀!

係咪好勁呢~?

是夜, 朋友話想試...肥人就陪食啦!

本來期望不太大架....叫做試下就算!

我點左莞茜皮蛋粥底...朋友點左南瓜粟米粥底~

粥底比較稀但味道幾好~

由於手工不夠, 又因晚飯時間突然坐滿人...

單...好亂呀!!

得一個經理黎幫你落單...廚房一位姐姐執野食...

經理幫你落完會即刻入去廚房叫姐姐執...

搞掂一台客先再幫另一位落ORDER...

我倆都乖乖等左陣....

經理會記得你有講過要落單架....做完其他客就會自動行埋你度!

2017年3月25日星期六

忍埋呢個post啦各位, 2016 年Xmas 大雜記...哈哈!!
------------------------------------------------------------------------

Xmas 放左幾日假..同老公周圍行下~

平安夜....去下銅鑼灣行下, 拍下拖....
先去PURE 度拎會員XMAS 禮物啦!
3點準備去排隊......拎到化妝掃一支..開心~
最鍾意就係化妝掃架啦肥人我!!

係某個商場外見到好多Xmas tree~
呢棵幾特別...影下先~

行左陣就去左茶木食TEA.....
老公點左朱古力咖啡....好多CREAM..月巴呢....
(出賣左老公添)

肥人照舊要熱水果茶.....

再加左個石板街吐司...YUMMY~

好飽又好月巴..哈哈!

2017年3月21日星期二

周圍食@金田家

銅鑼灣有一條街...整條街有5-6間拉麵鋪既
前一排肥人陪老公去左試食拉麵....
(老公愛吃肥人其實麻麻)

入左間叫金田家~

又係得一款拉麵揀.....肥人揀左辣既!

2017年3月17日星期五

周圍食@公司XMAS DINNER

肥人發現...原來12月食既XMAS DINNER...一直都未出POST呢~
相已UPLOAD好....卜就一直都無出..
真係好低B 呀!

-------------------------------------------------------------------------------

肥人公司係鬼佬老闆既 (不過肥人英文好差的)
一年只會食一餐XMAS DINNER 去代替所有團年呀, 開年呀等等
老闆鍾意BOOK 間酒店人齊坐定定慢慢食...
(雖然肥人覺得好悶....班同事已經日日對住架啦, 係咪先~?)
不過同事話...一年一次, 去下啦!

未上菜, 先飲杯香檳先~
對於唔飲酒既肥人黎講, 香檳係最好飲架!

台上例牌有一堆XMAS 飾物比你戴~

由酒店提供既~

今年同事仲淘左好多眼鏡落黎玩...肥人戴呢個!

個個同事都話好襯肥人呢~

有3款包......肥人同同事SHARE左其中一款...怕飽呀~
都算鬆軟既!

2017年3月13日星期一

周圍食@紫蘭花

灣仔其實真係好多小店......
認識紫蘭花係因為.....派傳單派到去我家樓下, 哈哈!
不想煮既夜晚, 我倆去試試~

肥人好好好餓, 點左個蝦醬炒飯~
老公點左個炒Pad Thai ....
加錢可以有飲品同冬蔭公湯~

以為細細碗, 點知係大大碗...仲同老公每人加左一碗添...
好多料好夠辣, 正喔!

2017年3月7日星期二

周圍食@翠苑

自從搬左去灣仔...食糖水既機會就少左啦!
一係要行去銅鑼灣...好遠呀...又多人排隊又貴!!
一係要行去金鐘那邊......

後來肥人發現屋企後面有間中式糖水鋪~
雖然肥人不太愛中式, 但都頂住先啦!

是日點左個滋潤既木瓜雪耳糖水.....
UM...中式糖水既問題....甜左少少~
肥人仲食過桑寄生蓮子茶, 呢個不太甜, 好食!