大肥人來啦~

2017年3月3日星期五

周圍食@元味

灣仔有好多小小壽司店
是日, 肥人就去試其中一間啦~

由於真係好小小的, 所以要坐門口 (即街邊)
另有風味呀嘛....好彩馬路不太多車!
不過肥人見好多人都會照食~

點完野食就乖乖等食...有3位師傅架, 所以好快就有得食啦!

燒3文魚腩...YUMMY!
魚腩好肥美呀..燒得好香添!

2017年2月21日星期二

周圍食@ BlueDuck Workshop - Chef's Soul Cuisine

自從結左婚後, 好多節日肥人都會在家煮~

1. 怕人多

2. 價錢太貴

3. 老公懶得訂位

今年情人節....肥人都打算煮簡單野就算....

搬左去灣仔, 無左廚房真不方便呢~

點知...情人節前一日...老公打比我問: 我訂左餐廳食飯呀!

嘩....好驚喜呢肥人覺得!

情人節當日, 肥人打扮下啦可以~

著得靚靚化個靚妝返工先....

放工自己一個人坐巴士去觀塘等老公收工~

巴士經過九龍灣時...YEAH.....

捉到立方獸啦..肥人當係情人節禮物啦..哈哈!!

去接老公放工先, 再一齊行去餐廳~

今次食BlueDuck Workshop - Chef's Soul Cuisine

間餐廳好好..無出情人節一頸血套餐...

反而比番平日既SET DINNER 你慢慢揀~

我們點左一個細SET, 一個SET大~

細SET 有麵包, 湯/沙律, 主菜, 甜品及飲品, 我點左羊做主菜

大SET有麵包, 沙律, STARTER, 湯, 主菜, 甜品, 老公點左牛做主菜

落完單, 職員講左句: 由於今晚比較多人, 野食可能會耐少少

明既明既...情人節嘛~

等左一陣就有麵包來啦....

暖暖地, 脆邊架內軟, 好食!

過左陣沙律就到....

HAM 有少少過咸, 配沙律食都OK~

老公話下次我地自己屋企沙律可以放HAM~

又係喎~

2017年2月19日星期日

周圍食@Burgeroom

11月去旅行前, 肥人同老公食左一餐burger~

肥人想去試下...因為...有Foie Gras

肥人愛食但不會成日食...一年一次半次啦~

餐廳係先點餐再等食既!

由於已經好夜...我倆當消夜食~

就點左一份burger, 一份薯條同雞翼黎share~

仲有肥人好鍾意飲既桃汁.....

係餐廳飲snapple 好似好奇怪...但老公話7-11都賣緊十幾蚊支時..

呢度都係28蚊支...算抵飲架啦!

相反老公杯Ice 桃味水果茶就不太抵啦...要38蚊~

2017年2月17日星期五

周圍食@宮葉パフェ Miyaha

11月時, 探完妹妹同BB, 我同屋企人就去太子搵食~
由於爸爸同老公都愛拉麵
所以就入左太子始創對面的宮葉パフェ Miyaha

點知爸爸點左飯...哈哈!!
爸爸點了咖哩牛肉飯....都幾好食!

老公點了炸豬扒拉麵.....

豬扒炸得幾好.......拉麵都不錯.....

肥人點了牛肉拉麵....隻蛋好好食~

2017年2月15日星期三

20161125 - 木婚之旅@釜山

Day 6
釜山 --> 香港

是日溫度: 9-0

要走啦......今日!
下午兩點機既關係, 肥人同老公吃完早餐就出發去機場啦!
再見啦樂天地盤!
(韓國是沒有嘈音管制的, 樂天地盤係通宵進行工程架
如果開左窗的話, 會有少少嘈....不過都還可以接受)

我們今日早餐食...人蔘雞..哈哈!

反正係酒店附近, 所以一早決定係最後一日來吃~

十點開門....去到已見到有一台台灣客人...

及一台韓國人.....

阿豬媽好熱情地招呼我倆~

兩盤有什麼不同?
一盤是紅蔘一盤是普通的!
雖然錢已淨不多..不過我們不是因為錢才不吃鮑魚人蔘雞湯的!
因為...
老公話: 上網查過, 鮑魚蔘雞湯同最普遍既人蔘雞湯是一樣味的!
多了鮑魚就貴好多呢......不如試普通啦!
好啦....既然你都這樣說......

紅蔘雞湯....比較濃味~

算好吃的~

不過都太大份啦...肥人好飽呢~

(肥人吃完蔘雞湯就開始頭尺尺啦, 人蔘真的不岩肥人食)

老公都好滿意呢.....

傳統坐地板的...同食海鮮餐一樣, 我們不停換肢勢呢...

五福蔘雞湯真係好近酒店架....
高樓就是酒店啦......

2017年2月13日星期一

係灣仔碼頭既水產市場未開前...
灣仔鵝頸橋下新開左間水產專門店~
朋友說去試一試......
約埋肥人爸爸一齊去食啦~

是晚肥人電話壞了, 所以托朋友去地鐵站接爸爸...
好在...放工前肥人用FB MSG通知朋友地址係鵝頸橋不是碼頭..
不然..肥人應該等多半小時他們才到呢.....
(朋友同肥人爸爸都說: 我以為是碼頭呢)

6點45分左右肥人就到左餐廳....要排隊呢~
無電話, 自己一個人排...又擔心朋友同爸爸會不會不識路...

好在...715左右朋友就把爸爸帶到來...
再排多陣就有位啦!

我們點左個十色魚生飯(二人份量)..樣樣都有樣樣都試到~
樣樣都好新鮮呀!!好好食!
忘了價錢...大約368蚊