20161125 - 木婚之旅@釜山

Day 6
釜山 --> 香港

是日溫度: 9-0

要走啦......今日!
下午兩點機既關係, 肥人同老公吃完早餐就出發去機場啦!
再見啦樂天地盤!
(韓國是沒有嘈音管制的, 樂天地盤係通宵進行工程架
如果開左窗的話, 會有少少嘈....不過都還可以接受)

我們今日早餐食...人蔘雞..哈哈!

反正係酒店附近, 所以一早決定係最後一日來吃~

十點開門....去到已見到有一台台灣客人...

及一台韓國人.....

 阿豬媽好熱情地招呼我倆~

兩盤有什麼不同?
一盤是紅蔘一盤是普通的!
雖然錢已淨不多..不過我們不是因為錢才不吃鮑魚人蔘雞湯的!
因為...
老公話: 上網查過, 鮑魚蔘雞湯同最普遍既人蔘雞湯是一樣味的!
多了鮑魚就貴好多呢......不如試普通啦!
好啦....既然你都這樣說......

紅蔘雞湯....比較濃味~

算好吃的~

不過都太大份啦...肥人好飽呢~

(肥人吃完蔘雞湯就開始頭尺尺啦, 人蔘真的不岩肥人食)

老公都好滿意呢.....

傳統坐地板的...同食海鮮餐一樣, 我們不停換肢勢呢...

五福蔘雞湯真係好近酒店架....
高樓就是酒店啦......

周圍食@豊洲水産海鮮丼専門店 Toyosu Suisan

係灣仔碼頭既水產市場未開前...
灣仔鵝頸橋下新開左間水產專門店~
朋友說去試一試......
約埋肥人爸爸一齊去食啦~

是晚肥人電話壞了, 所以托朋友去地鐵站接爸爸...
好在...放工前肥人用FB MSG通知朋友地址係鵝頸橋不是碼頭..
不然..肥人應該等多半小時他們才到呢.....
(朋友同肥人爸爸都說: 我以為是碼頭呢)

6點45分左右肥人就到左餐廳....要排隊呢~
無電話, 自己一個人排...又擔心朋友同爸爸會不會不識路...

好在...715左右朋友就把爸爸帶到來...
再排多陣就有位啦!

我們點左個十色魚生飯(二人份量)..樣樣都有樣樣都試到~
樣樣都好新鮮呀!!好好食!
忘了價錢...大約368蚊


點左個燒牛舌飯($108)...香到不得了!
望落好似好少牛各舌...但其實都有十幾塊的...
塊塊都燒到好香.....好好送飯呀!!
上面有粒梅子...好酸...哈哈哈!
不過朋友好鍾意

20161124 - 木婚之旅@釜山 II

Day 5 Part 2
梵魚寺--> 海雲臺

是日溫度: 7 ~ -1

坐巴士離開梵魚寺, 落車後見到好多鋪都開左門啦...
有超市...好平呀蘿蔔同菜...
11月嘛, 醃泡菜既日子~

由於係呢個站附近既食物我人都興趣不大...
所以我們就向海雲台出發~
其實不順路的...不過今日是最後2日啦...不去明天更不用去啦!

行左好多個間...終於到海雲台~

午餐打算食醬油蟹...老公上次係首爾食過覺得好好食..
所以今次都有興趣呢~
跟地圖去搵先...

海雲台呢個站好多HOTEL...又好多...MOTEL...哈哈!!!
仲有好多住宅!

跟住地圖行...點知.....

成座建築物唔見左!!!

依....搬左? 執左?

搵來搵去都搵不到...

上網又慢...又凍...

最後我們去左附近間酒店嘆下暖氣, 順便試下有無FREE WIFI

因為真係好好好好好慢呀LOAD 得!

最後WS左同事幫手....她們上網查到地址都跟我資料一樣呀!

OH...搞左成個鐘頭...都係得個吉!

好彩肥人都有兩手準備, 決定轉場去食韓燒算啦!

雖然尋晚食左...不過算啦...搵唔到醬油蟹嘛~

而且我倆都超級餓呀!!
已經快3點啦....午餐都仍然未食.....早餐只SHARE了份麵包!
跟住資料, 好快就搵到1970 伍班長烤肉(오반장)

可能3點多...不用排就可以入去食啦!!

太好啦!

20161124 - 木婚之旅@釜山 I

Day 5 Part 1
梵魚寺--> 海雲臺

是日溫度: 7 ~ -1

是日肥人提議去Cafe shop食早餐....反正附近都有~

呢間是24小時的.....是日有special event...

三文治加杯coffee只需w5000左右

其實都要成hk$35.....

兩個人share一個餐...大少當然不夠飽...

再買多個冬甩同點多杯coffee~

大少有選擇困難架...所以係堆麵包度揀左好耐~ 

不過每樣都好吸引架....

除左麵包當然有cake..但太早啦....肥人唔想食甜呢~

仲有糖果賣...勁呀...多元化!

又係肥人最愛既Ice Americano 啦~ ~

冬甩是後加的..無影相~

食飽飽, 我地就出發去 梵魚寺啦!

釜山地鐵1號線 133梵魚寺站5、7號出口方向

沿著兩個出口間的路往上徒步約5分鐘就見到交通公車站

再轉搭乘90號巴士, 抵達梵魚寺售票入口處

地鐵站一行出來...嘩..天氣好好呀,天好藍呀!

係交通公車站已經有少量人等車中.....

好彩肥人同大少都有位坐呢.....

不過好快就落車架啦

同埋著好行山裝既韓國人, 大家都去行山~

可惜肥人今日唔太想行啦...下次啦..有機會既話~

呢部車係循環線黎架.....而 梵魚寺係總站來的..

人人都落車架...不用怕miss掉...hahaaa

天氣凍....好多葉都枯左~

不過天朗氣清, 影相真係好靚呢~

好郊區呢~

恭喜發財呀~

肥人好好好好懶呀...
忘記同各位blog 友拜年呢...

新一年祝大家事事順利
笑口常開
財源廣進 (肥人好需要)
美女們型男們繼續青春常駐
最緊要身體健康呀!


雞年人人都行大運, 恭喜!恭喜!

20161123 - 木婚之旅@釜山 III

Day 4 Part 2

甘川洞文化村 ->札嘎其市場->BIFF->龍頭山公園->光復路

是日溫度: 12 ~ -1

食飽飽我地就出發去BIFF廣場行街街啦~

我地經過地下街行過去.....肥人諗住可以SHOPPING 一下...

點知...地下街既商品...估計肥人再過多二十年先岩睇啦!

BIFF 全名其實係釜山國際電影節(Pusan International Film Festival)

每年釜山國際電影節前一夜既特別活動, 都會在「BIFF開放廣場」展開

平時既BIFF廣場, 是有好多小檔擺賣而已

而且好多小檔都是賣食的....

兩旁有商店....Uniqlo 都係釜山開左啦~

有關電影既銅像及明星手印, 都可以係BIFF 呢條街搵到架~

不過是日無電影節....我倆專心行街吧啦~

好多海產賣~

係海產對面就有釜山名物 - 黑糖餅
肥人見好多人排隊....好似真係好好食喎~
見細細個, 不如又買個黎試下啦~
本來肥人都無興趣架...但突然覺得要試下..


一路排隊一路見阿豬媽係度整......
仲有盤餡比你試食....不過肥人無試呢~
好似好好食呢.....千五WON一個, 排隊時會比埋錢~


阿豬媽不停煎個麵團, 煎到黃金就可以擺埋一邊等凍少少~
排到你時, 另一個阿豬媽就會問你要幾多個
佢就會剪開個餅塞餡入去..然後放入個杯仔度比你啦~


熱辣辣架~
肥人一咬....嘩...好好食!!!
肥人一向都不愛呢類既食物, 竟然覺得好好食!
最後肥人係要再去買多個黎食呀, 真係好少有架!

如果大家有機會去釜山, 記得買個黎食下呀~
有兩檔都話自己係元祖架, 肥人今次食紅色牌果檔~

行完BIFF ...轉左去隔離既光復路繼續行~
先去VDL 買我要既粉底~ ~ ~
再行下其他Nature republic 買既要既mask~
要買既, 其實已經買完架啦..哈哈!!!

光復路好多小巷仔, 好多鋪仔架, 可以慢慢行~
不過見開始天黑, 我地就決定先去龍頭山公園啦!