周圍食@Cafeholic

肥人近來太多零碎事, 會係每一篇最尾加1part 題外話~

------------------------------------------------------------------------------------

肥人每個星期返娘家都會經過東涌...

久不久都會同妹妹去食Cafeholic既下午茶!

 四十幾蚊有即磨咖啡, 細通粉, 煎雙蛋, 雞扒及多士~
其實都算好抵食..哈哈!!!

雖然雞扒係細少少, 不過食晒就真係好飽架!
雙蛋既邊煎得香脆, 抵讚架!

通粉味道還好, 不太特別!

灣仔生活 II

肥人呢一排...又失左蹤!

不是去左旅行呀...

而係...搬左去灣仔後生活大大改變了!!

以為放工返到屋企附近, 去完街市樓上就是間大超市!

樣樣都齊, 要什麼有什麼!

現在....

附近有3間惠X 1間百X

其實都真係附近, 可能隔一條街就有!

但不是要什麼有什麼!!!!

肥人試過為左買豬肉碎, 走晒4間超市先買到!

試過買完豬肉想買配料...

同一間超市係無架..又要行去第二間..

每日都花好多時間係超市度!!!

買完餸回家就即刻煮飯啦!

因為老公於一個鐘內就會回到家!

可能大家會問, 點解唔買多少少放雪櫃~

其實....新屋只有一個小小既雪櫃...又要同其他人SHARE..

當然..肥人不敢放太多啦!

加上前一排工作好忙....連LUNCH 時間都無時間打BLOG呢~

只係去大家BLOG度留留言就算啦~

大家...唔好忘記我呀~ ~ ~ ~ 

我希望會盡快可以打密少少架啦!

去正題先~

---------------------------------------------------------------------

住左係灣仔一段時間, 肥人搵到間又平又正既果汁店!

以前肥人成日都覺得, 果汁好貴!

同埋不如自己食左成個水果啦!

有日去完街市, 肥人見到有間好平既果汁店..

平時都不太會主動買果汁既肥人竟然同老公提議飲果汁呢~

果汁款好多呢...真係花多眼亂!

最後, 肥人揀左12蚊既哈密瓜汁!!

無錯, 係哈密瓜汁...

老公揀蘋果雪梨汁~

諗住到定有幾多係冰幾多果汁啦!

點知一飲, 依...唔凍架老公果杯!!

一粒冰都無加架!!!!

我果杯就少少凍, 因為哈密瓜要雪嘛!

正呀!!!!

肥人大愛!!

所以...肥人就久唔欠都去飲啦!

(因為真係好近屋企架)

過左排肥人又經過, 又買左杯木瓜杯飲!

真係好足料呀!!!

有時肥人又買左杯蘋果雪梨!

我問: 蘋果雪梨係唔係唔凍架?

老闆話: 想凍咪拎雪櫃D 生果打囉~

我估, 真係無冰加架!

哈哈!!!!

-----------------------------------------------------------------------------

題外話

人人都覺得灣仔物價好高

肥人未黎灣仔住前都覺得係!

事實上並唔係!

肥人試過買十蚊4大個木瓜呢~

真係又香又甜架!

周圍食@Lady M

肥人覺得Lady M 既cake一定要現場食先好食!

7月1號, 肥人就同老公去左Lady M 度食cake set!

可能今日大家都怕左港島人多, Lady M竟然不用排呀!

Cake set, 4件自選蛋糕及2杯野品,  其實都偏貴!

不過肥人想帶老公黎試試Lady M 既cake...貴一次啦!

12點左右就入到Lady M 啦~

佈置都好素色~

肥人同老公每人揀2隻味~
肥人揀左朱古力同士多啤梨千層~
老公揀左Earl Grey tea千層及芝士cake!

周圍食@再一次 - Amitie Kitchen

3月時同同事食過Amitie Kitchen既lunch覺得都幾好食!
6月時另一個同事生日, 就決定黎呢度食dinner~
本以為剛開不久不會太多人
點知接近坐滿全場呢~

價錢方面, dinner 價錢當然貴, 不過都幾好食呀~
3大1小.....

麵包, 好好食!
暖架, 我覺得幾好食!
都有幾款, 當然食唔出什麼味啦我..哈哈!

叫左個沙律, 普普通通一個沙律啦, 哈哈!!

叫左dinner set, 跟餐有一個沙律的~

豬頸肉沙律~

份量少左少少啦...

豬頸肉有少少辣, 煎得香脆~

跟餐有沙....磨菇湯!

夠濃但不太夠滑~

可以再滑少少就好啦!

洗洗洗~

大家有無留意近排好HIT 既洗洗衣機粉呀?
肥人有日網購左4包...諗住試下係咪真係有用!

是咁的, 肥人搬左屋後就用屋主本身提供既洗衣機來洗衣!

有日, 肥人發現..有件新既白色衫點解會灰左不少!

心想, 著左一次就變左灰色, 不會吧????

研究左幾日..
肥人發現洗衣機流出黎既水係灰色架...
估計係洗衣機內部比較DIRTY!

所以肥人就買左4包粉黎洗洗衣機啦!

 用左兩次, 肥人覺得無網上講既咁神奇!
不過洗衣機明顯係乾淨左不少!
最少流出黎既水不再灰色!
最少肥人洗白色衣服時不再變灰!

用既方法都好簡單, 只要倒左包粉入洗衣機就注半滿水/全滿就可以!

(大眼仔 或 滾筒式)

依度部洗衣機, 係無自己注滿水功能!!!

肥人要不停用人手自己注滿...

好彩半滿已經夠!

浸最少2小時, 再開機洗!

簡簡單單洗洗衣機, 其實都不錯呀!

(如果有自動注水功能會更加好呀下)

周圍食@Pierside

肥人呢期又無左影....因為肥人去左做訓練員呀.,,
不過肥人都係純粹玩下, 唔會特別日日都捉同捉到半夜~
返工放工路經咪玩下..哈哈!

返正題先~
6月份時同老公去左Pierside 度食tea!
因為肥人見到個tea set好靚呀!!!!

今次個tea set可以選酒...

不過肥人不太愛, 都選番果茶~

而老公就選酒, 香香地又真係幾好飲...

肥人都覺得唔錯~

肥人要左百香果果茶~

連冰粒都用百香果汁造既, 唔怕會變淡..nice!

由於即叫即做, 所以tea set等左大約十分鐘左右先黎~

一黎到..肥人都忍唔住...waaaa

好靚呀!!!!!!

當然又係相機食先...

由於綿花糖已經溶緊, 所以要快!

一開始就食綿花糖先...再唔食就無架啦!

周圍食@三淹

黎左灣仔無耐, 肥人就搵到一間有賣刺生便當既小店!
見Openrice 食評不錯, 就去試試啦!

行左一陣先搵到間鋪, 仲要行過左都不會發現的!
因為沒有大大既招牌, 只有一個小小既門口~
鋪仔細細不設座位的~

便當分3款價錢, $62, $72及 $88..

唔好以為$62的沒什麼好選, 其實都有10款比你選的~

有3文魚併甘蝦, 角切魚生飯, 鯛魚併鱆紅魚

$72既就有20款左右

有吞拿魚併拖羅茸, 燒海鰻, 油甘魚等等

海膽就要$88先有啦...哈哈!! 

即叫即整, 好快就走得!

肥人買左個$62既餐
每一個便當都有前菜, 飲品及甜品送!

馬戲~

肥人真係唔多識打文章標題...哈哈!!!
次次打標題都不知道打什麼好!!

---------------------------------------------------------

今年2月份, 同學問我有無興趣去睇馬戲
因為有團購, 好平一張飛!
好啦, gogogo~
今日天氣麻麻地..仲落雨..

香港幾時有馬戲睇?

呢個問題, 我都問過我同學!

原來係冬季嘉年華度...即係游輪碼頭!

同AIA 嘉年華比...呢個嘉年華真係...靜好好好好多!

 有木馬騎, 但肥人無去~

由於不設劃位, 肥人同同學都去門口等入場啦!

其實好細的...不過肥人都爭不到頭位..哈哈!

好快就開始啦!

兩個大圈圈, 有4個人係上面不停行黎行去又跳~
其實都幾驚險....都高架!