20150622 - Bday Trip@Macau

老公哦左我快4年...今年終於都肯同佢去澳門睇水舞間啦...哈哈!!

由於正日水舞間無表演, 唯有早一日去睇, 住一晚先返香港啦~

未出發, 先撞板....

肥人我去到碼頭先發現...自己無帶身份證!!!

因為前幾日肥人去做脫毛, 將身份證放左係擺公司卡既包包度...

而果個包包肥人就放左係屋企......

最後....老公幫肥人返屋企拎......

未出發先同老公SAY SORRY 啦!

點解會由老公返屋企拎...話說肥人一知道自己無帶身份證就發左顛...

老公話一齊去, 但我話一個人會快少少...仲叫老公自己過左澳門先...

當我行出中港城, 老公就叫住我話佢返....叫我係中港城坐下先...

老公十分鐘後上左地鐵就打比我話我知唔比我返屋企既原因係

":我怕你為左趕時間就亂過馬路呀"

聽完呢句說法肥人覺得更內疚呀....老公生日之旅喔....

剛剛肥人我仲鬧左老公兩句叫佢唔好阻住我返屋企......

老公無嬲之餘仲擔心我安危, 仲叫我唔好唔開心, 唔準喊...

唉...肥人真係覺得好慚愧喔~

最後我地坐大約2點船出發去澳門啦!

由於打風, 好大浪呀......

天氣又差......

天氣差到呢.....

去到澳門就即刻去換水舞間飛先....

換完飛未夠鐘, 我地就去食野啦...

今日只食左一餐咋.....

去左食拉麵...好抵食.....60-70蚊碗, 味道都不錯呀!

環境都好日式...

叉燒拉麵...YUMMY!

周圍食@Arirang Korean Restaurant

6月2號, 為慶祝同事生日就去左食韓國菜做生日飯~~

點解揀呢間呢...

因為少人!!!

尖沙咀食一個LUNCH, 邊有可能唔使等位?

唯獨阿里朗唔使等位...哈哈!!!!!

LUNCH 都不多人, 我估計, 晚餐都不多~

膽大既肥人, 連BOOK 位都無就直接約同事上去食啦...哈哈!

(抱歉, 肥人我無留意到上面張相係反轉左, 下次會留意一下)

例牌有好多泡菜.....薯仔超級好食架.....

又林又入味...肥人次次來都想叫職員refill比我呢...哈哈!

3大1小...肥人拍板啦又係...哈哈!

次次都係咁......

點了兩份肉架...牛肉忘記左影....

(因為肥人我掛住抱小朋友呀.....呀bb 1歲啦...

他又肯比我抱...當然抱下玩下先呀)

記得影相時已經係豬頸肉...好食呀!

煮5花腩....終於食到啦...好好食呀..

不過份量有dd少....呢份都要差不多200...

但又真係好好好好好食......

點了個炆牛肋骨....超超超好好好食...

好淋..好夠味呀!!!

甜甜地送飯一流呀~

好似200幾蚊...都算正常價錢呀~

下次自己屋企整下先

成餐飯差不多1千蚊呀..

不過坐得舒服, 野食又不錯...就ok 啦...係咪...

最緊要同事開心........

周圍食@ 芭堤雅燒烤

每次放學行過南京街, 肥人都會見到有間叫芭堤雅燒烤~

次次都見到不少人食, 但老公話: 我見到佢食物上好多烏蠅..

(因為坐係街邊, 廚房係開放式咁, D 燒烤食物就會擺晒出黎)

今晚, 去到時老公話無烏蠅, 所以比我試食~

點燒烤先.....

不算貴..即點即燒, 熱辣辣都唔錯架~

有汁點架......

等左陣就有野食啦......

雞翼有少少乾....

脆肉瓜好好食....

墨丸還好...

牛肉硬左少少

雞肉好好食~

努力煮@韓式粉絲

肥人係6月好努力, 真的~

差不多每個星期都會煮4晚晚餐~

仲要有新菜色呢...哈哈!

係咪好勤力先?!

有一晚, 肥人煮左個韓國炒粉絲~

材料:

紅蘿蔔 X 1

椰菜 - 細半個

鮮冬菇 X 5-6

豬肉碎 X 1PACK (大約15,16蚊)

調味:

生抽 X 2茶匙

糖 X 半茶匙

水 X 2-3茶匙

麻油 X 半茶匙

STEP:

滾水放粉絲煮大約6-8分鐘, 粉絲需要用凍水沖至冷, 加少少油以防變硬

豬肉清洗後用基本醃料醃最少15分鐘

紅蘿蔔, 鮮冬菇及椰菜切條備用

熱油放豬肉炒至半熟, 加紅蘿蔔, 冬菇及椰菜繼續炒

紅蘿蔔變軟就可以加粉絲粉勻

加調味後再炒勻, 試味

(亦可以試試粉絲軟硬度)

最後加麻油就完成啦~

真係唔好睇少下圖碟炒粉絲...肥人兩公婆都食不晒呢~

最後老公又有飯帶啦...哈哈!!!

周圍食@EL CID Spanish Restaurant

99 生日飯, 今年係尖沙咀既EL CID Spanish餐廳開餐~

因為99 話想試食西班牙菜...

超貴既一餐~

有是日推介, 忘記左名啦...

但大約係白酒煮蜆...咁就..$200

蜆肉係大大隻又好鮮甜...但咁細碟就...$200.....

完全地忘記左呢舊係什麼東東....印象都不錯!

有62同99就有人陪我食羊啦....其實全家人只有老公唔食..

叔仔同姑仔都會食....

羊架....um...唔好問價錢啦...哈哈!

但好yummy.....

黎到西班牙餐廳邊可以唔食西班牙海鮮飯呢...

哈哈...比較濃味......不過都算幾好食~

海鮮又夠多.....

西班牙菜點少得燒豬?

老公訂位時已要訂定燒豬...

都算好食, 皮脆肉嫩.....

不過又係太細碟....價錢....哈哈!

得6件咋.....邊邊位既係薯條黎牒

20141222 - Family Trip@Kansai

今日係last day laaaaaa....

HK Express 只有兩班機返HK, 由於不想爸爸零晨先返到屋企

所以揀左下午2點幾機~

一早我地就去CHECK OUT 已經去黑門市場食早餐啦~

一清早就食海膽...膽固醇呀膽固醇....

黎左日本幾日應該急急地升...哈哈!

但真係好抵食, 又好好味~

食完海膽又周圍睇下野~

刺生通通都好新鮮呀~

如果唔係唔多夠時間, 我都想買蟹慢慢食~

努力煮@豆腐豬肉餅

肥人我....6月好勤力, 每日都煮一個新菜色~

原因...6月係大少既生日月MA....

肥人我今年就搞搞新意思, 每日都煮一個新菜色~

今晚就煮左個豆腐豬肉餅啦~

正常來講應該係非常簡單的...但肥人我....都失敗左...哈哈!!

上網睇食譜真係好簡單架...

將豆腐, 豬肉, 蔥等等混埋一齊就可以拎去雪~

雪大約半小時就可以煎啦~

但肥人我....買左舊大豆腐...

而豬肉碎就買少了....

豬肉既水又格得不夠乾, 雪完就水汪汪....

最後.....哈哈!

豆腐多過豬肉...好在都成形呀~

材料:

豆腐一舊

(肥人建議買百福細細盒果D, 份量易控制)

搞碎豬肉一盒...

調味:

鹽, 糖, 胡椒粉

Step:

豬肉碎洗一洗格乾水就將調味料及豆腐放入一個深既碗或兜內

然後將所以材料混合一起

放入雪櫃雪半小時就可以用慢火煎~

肥人說有少少煎燶左, 點知大少話燶燶地香少少嘛...

oh really?

第二日返到公司同事又係講同一番說話....

依.....咁真係事實黎喎!

努力煮@瑞士雞翼

肥人我一直都以為瑞士雞翼係好難煮....真係不知道為何!

某日, 伯娘跟我說其他很簡單, 我就決定自己嘗試煮一次~

上網看看食譜加上伯娘教法....

肥人我初嘗瑞士雞翼...

大少起初見到都不太想食....只說了一句:咪係甜既滷水雞翼

最後...哈哈...瑞士汁都用來送飯呀~

材料:

雞翼十隻左右

薑一兩片

水半碗

汁:

兩匙生抽

一匙老抽

冰糖少許

鹽少許

Step:

先煎香雞翼及薑片

煎到兩邊都金黃就放水用慢火焗一陣

將汁倒入去繼續煮, 煮到雞翼全熟就試試味

味道OK 就可轉火大收汁

(小心睇火呀, 因為汁越濃就會越易燶)

完成~

非常EASY, 大家都試試~

我見有食譜教用八角, 滷水汁等等......

肥人覺得口味呢樣野人人都不同, 大家可以試試, 看看自己喜歡邊樣材料~

肥人並不是專業的, 純分享C9 仔學習成果

如果大家有更好或用開既食譜 記得話我知呀~