20130708 - 泰瘋狂之旅

last day la......時間真的很快過喔~

check out後，我們就去昨晚的巷仔內的疑似food court吃早餐!

20130707 - 泰瘋狂之旅

由於今次少相又少行程，所以我努力打blog........少相...真怕忘了做過什麼!

第二朝一早....朋友仔就自己去了游泳.....我...當然繼續同周公子拍拖 
而昨晚說今早去游泳的兩位男士....當然是沒影~
朋友仔游左陣就返來繼續睡........

到十點多老公來拍門，我同朋友先衝去梳妝~
準備好可以出門時考慮帶不帶雨傘...但昨天沒下雨....酒店的長直傘一直都拿住...........最近我決定不帶!
今早的早餐是酒店周邊的街邊檔......

我們叫了4碗粉麵........好像B35左右...抵吧?!
有牛丸豬肉丸及少量豬肉片........
同街邊檔的泰國人都溝通到...因他們識豬及牛的英文....指住就說beef，我們就明了~
至於要什麼粉? 隔住玻璃我們指住就可以了~

20130706 - 泰瘋狂之旅

7:50分機.....最後都delay~
好彩...delay了一陣而已..可接受範圍內的...不過我地4個人都HEA到開始上機啦，先去到登機閘口....長長的龍呀......經濟CLASSS....好在...我們是Business...hahaha...不用排!

上到飛機...都未坐定就準備飛啦.....當然....太早啦....個個都Zzzzzzzzzzzzzzzzzzzzzzzzzzzzzzzz~
一覺舒服訓到泰國....連行程都沒看..明明出發前說機上看，怎知通通都睡了!

去到泰國機場....今次比上次坐CX更遠...
算吧.....我們明明是Business Class..已經被經濟早落機...但不知為什麼...我們偏偏是最後一批人呢?!
在廁所期間發生強國人的問題.......我聽見好像她們又不排隊，一進來就直接衝到廁格門口...別人一出來她們就進去....
難怪我在等朋友期間，聽到香港的女孩子說強國人不是......

Shopping Day~

周六晚.....與老公及他的朋友一同去銅鑼灣吃飯.....
吃飯前，先去了Sasa...
買了....這個不知名的爽膚水.....打算用來導入導出用的~
大大支..又平....所以粗用都唔心痛~



這支落妝奶...真的.......以為香港沒有的!
我去年於泰國，因帶錯了落妝油，所以要臨時去買一支用....就買了這支奶...發覺好好用呀.........用完後在香港找不到.......
到昨天....竟然在Sasa買到...真的...開心到不得了...即買!



吃飽飽後....我見Innisfree不用排隊...所以就去了....買了支指甲油....






見到Nail Remover....都是20蚊支.....
平時去Sasa買那些不知名牌子都要十多元支吧......但有牌子都Innisfree都是20元...抵!


今日有濕紙巾送.........
收銀的職員叫負責入袋的職員給我濕紙巾.......入袋的職員一邊做一邊說: 不是一百元才有? 收銀的說不是喔..xxxxx
我不理了.....走了.....



雖然只用了少少時間....但都買了不少東西....滿足呀!

泰瘋狂之旅

還債是也....
由於今次泰瘋狂之旅只有3日...所以行程及相都不多，肥人決定先還這個債!
今次訂野訂得好急....機票於出發前兩星期訂，酒店於出發前兩日先訂....
還要肥人我催大少訂.....因我真的很忙...根本沒時間搵資料!
亦由於肥人太忙啦...連行程都沒準備過就飛lu~~~~
是次是4人行....有叔仔及我一位姊妹.....

先講機票吧....我們訂了Hong Kong Airline的周末狂熱...大少說加多三百多元就可以坐夜晚8點多的機回來...時間好像好點....所以就加了......
機票一共是hk$2300左右...
不過upgrade了.......yeah....

雖然服務質素明顯下降了點.....但可以訓住去泰國....抵啦!
Hong Kong Airline今次真係全機爆滿...連Business 都upgarde到爆了
不過坐7點幾機真係有點辛苦....我4點多就要起床....5點3就要到的士站坐的士到機場....
難為我位姊妹...她住hk仔....無車......要坐N車去CWB再轉N車入機場!
她全晚都沒睡...所以upgrade了...她應該最開心，因為可以訓係飛嘛....而且上到機，她真的....是頭一個陣亡了


酒店，今次住的是: Novotel Bangkok Ploenchit Sukhumvit
其實我不太想同上次一樣住Holiday Inn...所以大少頭痕了.....
他找到這家跟Central World 差一個站的Novotel...但原來周圍都環境跟Holiday Inn不一樣....最少Holiday Inn附近有夜市仔...有MBK...但Novotel 附近是nothing..只有白天有熟食檔....不過行路去Central World就比Holiday Inn 近好多呢~
Novotel的房比較大....還有我最愛的貴妃椅...早知房那麼大就訂一間就算啦.....

不過overall...Novotel 都比Holiday Inn grand少少...

而且房景都算開揚....都算ok 呀....
我同姊妹那間較開揚呀...同大少他們房比...我們房好多呀!
樓下就是BTS 站啦....超近~

兩間酒店各有各好...我兩間都推薦...而且價錢相約喔!

YEAH....債完一篇啦~

Fans Meeting~

話說....肥人....雖然忙...但在假期中，突然得到個見自己偶像的機會....
真的...開心到暈呀!!
本來她們的門票太貴...我捨不得買.....最平都要七百多....

到正日那天....同事突然於五點多來電.....說有門票....FREE 喔!!!
當時正在回家.....立刻打比老公叫他準備....我一回到換套衫化完妝就立刻出發!
真的...非常開心!
令肥人開心既..就係韓星After School 啦.....

雖然唔齊人...但見到我最鍾意既Uee.....真係...夠了!

最新的歌...真係好聽到不得了!

一開場...當然少不了勁歌熱舞!

企定定影相時間.......

Uee呀!!

Fans Meeting 同演唱會不同的是...FM是可以上台跟偶像玩GAME喔..當晚好像玩了3-4個GAMES!
而且FM場地比較細...就算最遠都不會看不到....唯一一個問題就是....沒有斜坡....矮的如我....就好易被前面的人擋住了~

去到中後段，After School 都換套衫唱新歌啦.....真係好好聽....

Ueeeeee

由於通通都用手機影....今次既相...好差呢...
不過我覺得最重要都是享受這次的FM.....^^

大家不太知道她們?沒問題....看看她們新的MV 吧.......

大少生日...下篇

同大少食完lunch，我地就坐巴士去觀塘，我目的地就是吉吉島!
叫大少在吉吉島外等我，因我不想讓他知道我今晚會煮什麼..
去到吉吉島，找不到上次的生蝦......姐姐話:無貨好耐啦...
oh...nooooooo
失望但都買左少少湯料.........
返到屋企放低所有東東，我就去街市買菜啦.....亦不要大少跟隨，自己去買!

買左差不多一個鐘呀.......快到屋企就立刻去煮飯........大少生日晚餐...出爐!
來張大合照先!



光波香芧豬頸肉....昨天，大少外出晚餐，我就等他出門後，我就去行超市啦，買定豬頸肉及醃料，已預早一晚醃好...到今日只是用光波機波熟而已!
醃料於超市有售...都是李xx 的牌子...好像特價....買2送1，所以我就買了!
都好好味...最少外表脆脆地，但肉質是嫩滑先!

生蝦....是不是奇怪呢?又說吉吉島沒貨?!
是喔...但我就是在街市的凍肉店找到.......這家凍肉店...裝修後的食品高級了......所以有生蝦賣....yeah!
以後不用去吉吉島啦!

這個是pat thai 啦.......不過炒得不太好...我會再研究研究!
我還去印尼店買了支甜鼓油呢....要再努力努力!

還有炒白菜仔及冬音功湯....通通都好yummy架...
有機會等我出煮食post 同大家研究研究!
今晚的生日飯，大少都好滿意呢......
午餐食西餐...晚餐就是泰式...都算不一樣吧?! 
而且今次都是第一次煮全泰式呢........都好擔心結果如何...不過都算成功吧?!

極速之旅

由於肥人呢期工作辛苦喔，所以……即興去左個散心之旅……泰國 
真的要用極速來形容，出發前兩星期訂機票，出發前兩日先訂酒店….而家身處泰國喔！
今次極速之旅，其實是因為肥人覺得工作不開心，所以想外出走走only, 大少見我辛苦，就算一早講左短期內不去泰國的他也陪我一次$
還有為什麼是極速之旅？因為只去三日，早上七點十機飛，夜機八點半回港，玩盡三日喔！
今次，肥人又被upgrade 上business class
兩次upgrade 都是同一家公司，hahaaaaa
不過sevice 已没第一次好，maybe 機票平了，所以經常upgrade, 所以business 的質素亦下降了
好啦，肥人要訓啦，明天最後一日，要盡玩呀