月餅節..ge主角之一

話說呢.....肥人公司d supplier 年年都會送月餅過黎比肥人食....
今年就收到大班冰皮 (轉送比99了!)及九龍酒店ge奶黃月餅.....
想試好耐la.....


好似好肥呢....原來有諗過不如擺係公司同同事食.....
but又想拎回家同老公分享.....最後當然拎回家la~
我無叮叮機....唯有用焗爐.....唔知係咪焗過龍.......
外皮係.....脆到爆....一咬就跌晒落黎....but i love it!
我覺得好食過半島ar!

同場加映:
話說老公公司規定d員工要做義工....咁好la....
今年老公就有新義工任務就係去整月餅，翌日就去老人院派比d 公公婆婆~
今年呢個任務真係就晒佢囉.....間老人院好揀唔揀...揀中我地屋企樓下果間....佢地十點集合...佢話佢可以訓到九點九先起身wo........
真係樓下架咋......5分鐘都唔使ar 行!
咁佢地一人會整4個，你可以通通都用黎送比公公婆婆...
or 你用30幾蚊買一個回家..呢30幾蚊都會用番係d公公婆婆身上....
咁老公佢可能想我試下佢d 餅...所以佢買左個返黎.....

一返黎...我O晒咀.....咩黎架......睇左好耐都唔知係咩...
老公話係憤怒鳥...but我真係睇唔出架.........
老公仲話老師話wo...過幾日會深色d 架.....

過左幾日....真係深色左.....好明顯呢隻真係...憤怒鳥....hahahaa
好唔好食?hahahaha......無食到!
因為發左....mo...why??話說呢......某人拎左返黎就是旦擺係度唔理....
即係咁..奶黃wo....乜唔使擺係雪櫃?!
如是者.....某人到中秋後發現....佢發左mo la.....
哈哈哈....邊個叫你對佢不聞不問wo!

忙但HAPPY**

 

打打下D 野無晒.....好彩唔係多!!!

呢個假期....好忙...但好HAPPY~

星期六 -- 住左差唔多9個月醫院ge 屋企人終於都可以出院la....
我地都係等唔切個工人黎到....就決定出院，因為想返home過中秋ma~
我地呢個決定係岩架.....家人回到家後心情好左，心情好就自然食量好，食量好就自然精神及抵抗力都好!
見到佢咁happy，我地都好happy，雖然辛苦少少......但都係happy ar~
聽日帶左工人返home，就好d 架laa~

星期日 -- 中秋正日......
訓左大半日....頂唔順....去煮麵....hahaha~
食飽飽又訓左陣...等老公打完波返黎先出發去香港仔....太99 度做節~
是日食素.....
係太99度食唔飽....最後落左觀塘諗住食車仔麵......點知變左....


hahhaa....被老公及叔仔話我又話唔餓...點知最後食左打冷....
又話食幾條薯條就夠.....hahaha~
返到home都差唔多2點....沖涼訓覺~


星期一 -- 一大早就被樓下班兄弟姊妹玩接新娘game嘈醒左.....一幾樓....都嘈到拆天咁.....

hea多陣，我就起身準備返娘家bbq la~~~
又可以見下家人....
不過要執home....我足足執左兩大袋衫走....好彩有老公幫手....唔係我一定手斷!

咁以後我返娘家，邊有衫著?
夜晚bbq


期間聽到新聞話有撞船...不以為然......
返到home 睇新聞..下?!咁大獲?oh no!!!

星期二-- 乖乖地陪老公去睇早場....睇完就去拎位陪99 飲茶....好乖呢~
買左少少肥牛同菇就返home la....今晚cook烏冬就算la~ ~


4日假期就咁完左la~

肥人生日@Aug2012 (2)

上篇講到食午餐時撞到胡杏兒。。。。。
雖然生日，但我一向無放假既習慣，今年又由於無假，所以更加無請假，而老公又話佢有同事請左，佢走唔開，甘請黎都無用啦即係？！雖然我有朋友話自己放下假都好但我又覺得無呢個需要既。。。除非有野搞啦~

等到十一點都無花收，以為老公真係唔送。。。點知到差不多一點，就有人送花囉！

我最愛既鏽球呢~

就係因為見到有花收，我上司就請我食飯啦，甘就見到胡杏兒了！
食飽又繼續做做做，到放工就hea到老公放工過來接我啦。。生日已經等少左。。。未夠七點已到。。。哈哈

問老公去邊食，又懶係神秘，但又話無訂位！佢一講到無訂，我就o左咀。。。下。。。甘點算，雖然係星期一啫。。。。講多兩講老公話間野只限walk in。。。。下，即要等？！

講到呢度我都開始估到。。。因為我有講過今年不如都食泰菜啦，果然中左。。。又去金寶！
下。。。明明有年生日食過話好難食喎，今年又黎？！玩咩，即say no!

老公話佢有睇多幾間後備既，可以去睇下既。。。又要走來走去。。。。唔制！最後我諗起寶x行果邊有間想試，就行過去啦!
(以上係由手機打ge，接住就係用番電腦la...haha~)

行到去寶x行好快就見到間泰國菜...上到去...無人ge?
慘la慘la....會唔會...好難食?
既然都上到黎....算la....hahaha~
一坐低...老公又望住個電視，奧運ma!

我地今晚去左呢間: 新曼谷泰國菜館:

D 野都幾好食架~
一定有我至愛..生蝦~

有我同老公都愛GE通菜!

試左炒蜆...yummy!

唔太餓又想搵d 飽肚野黎食下...就叫炒粉麵la~
呢個都ok...but老公話佢想叫果個唔係咁架....佢之前唔知係邊食過一種炒粉麵好好食，but就一直都唔知叫咩名...
次次去到食泰國菜...佢都亂叫一碟黎試........叫之前佢話肯定係呢碟...黎到就唔係囉.......




無聊ge我，同花影下相先~

食飽飽就返home lu~
返到home...幫d 花影大特寫先!




有rose~

呢隻唔知咩花`....haha~

至愛....haha~





岩岩上左99度拎花樽時...唔知邊個話去食糖水......
最後我地就一齊去左食lu!
今日生日，老公準我食榴槤...yeah!
榴槤沙冰....好飽.....

老公食佢至愛....芒果西米冰~



食完糖水就返home lu~
生日就咁過左la~
以為無禮物la....沖完涼出黎....就見到佢la!

點解以為無? 因為我之前都問過周生生...佢話係限量唔係間間.....
咁我地屋企樓下果間就無la......又未睇過樣，所以叫老公唔好買la~
點知原來佢去左買喎，佢話觀塘果間有.....

靚靚~

生日就...咁....過左lu~
又老一歲lu.........

 

女人錢易賺，女人身邊果個男人錢仲易賺AR~

hahaha....今日起身見有d 頭暈，就乖乖地stay at home陪下老公la.....咁老公起身後就話今日有兩樣任務，第1: 買返工鞋!第2: 買返工恤衫...okok.....目標清晰就準備gogogo.....去食野先~
好耐無同99飲茶...叫老公call 一call 99，睇下佢地食左野未...去唔去飲茶.....haha....順手做埋乖新抱ma.....陪埋99飲茶....hahahaa....仲好乖咁去埋拎位tim~
食食下.....見到......TBB ge 明星wo.....首先見到蕭正南....一句講晒: 好sharp!
佢係遠處我已見到一個好sharp ge 人，已經覺得係明星...望多兩望就知係佢la...都幾靚仔架....幾高架!
等多陣就見到隔離台叫羅蘭姐......我老公講左句: 聖羅蘭?!
羅蘭姐好nice，係咁同人say hi....佢好似有同隔離台果d食客握手tim ae~
跟住仲有d 姐仔...真係好姐果d.........姐到我都唔識....haha~...
過多陣就見到高海寧一馬當先咁行入黎......之後就係愛回家ge 秘書...跟住就係李添勝...最後就係.........王德"賓"架...真係好大隻ar!
佢之後仲行左出去...我估佢去食煙....hahaha....到我地埋完單走人，佢就入番黎......佢都好nice咁不停微笑........到我地行過左，我老公就話: 依...原來德"賓"係同我一樣高架......haha.....無六尺囉咁即係?!

好la....之後就去行街la我地.....去左睇鞋先......但我問老公: why要買呢?結婚果對都可以著架....大把人對皮鞋都係令面架la..........
目標1，被打沉了~
去到豬too兜神....老公話無特價la.....d 衫貴晒.........去埋B 字頭專賣西裝果間野.....無佢碼....oh......最後老公話唔買住.....
目標2，自動打沉....hahahahahaaaa


行到果個位，我記得b+ab有對kitty 鞋，拉左老公去睇下先.....點知....超肉酸囉~
跟手行左過隔壁果間野.....waaaa.....靚靚毛毛鞋ar...but 價錢...好貴ar.......要over 800....唔捨得....但又唔捨得除....最後老公拍板買埋我....我估佢都ok like所以先會自動比錢....hahaha..去到比錢時....先發現呢間野係....it 架........用it 咭買...有九折....yeah......最後800唔使就ok la...happy!.

無話買野ge我，有收獲回家去~

呢篇blog.....hahaha...大部份都係講......TBB明星....hahaha~

babyliss

原本呢篇野...我係用手機打架....但打打下....又發現轉唔到色....妖......算la...發脾氣...搞左成粒鐘ae!
不過相就由手機直接up上yahoo ge~



好la...講番個標題先~
話說肥人我一直都想買個夾髮器架...but一直都的唔起心肝去搵同睇~
好la...22號要做姊妹la...又唔想比錢請mua，又想自己靚靚地...唯有自己搞!
買一個夾髮器又可以自己搞又唔使太size錢....一舉兩得!

起初我係睇中VS ge mini夾髮器架...but....問過加利，佢話麻麻地....
佢介紹左我買babyliss.....haha....咁上上星期五，咁岩我又去佐敦食lunch，就順手去買埋lu~
呢個野...真係幾得ar下~~~~~

由於我d 頭髮太碎....所以我揀左個細圈d~
好似係19mm....haha~

 

呢個野真係熱得好快....勁快就ok....我由開機到整完,,,都唔使十分鐘...打破我對夾髮器ge 觀念!
因為以前我試過問堂妹借佢果支黎玩過...真係...搞左成粒鐘....仲差d 整到面ar!

登登登登......今次真係幾滿意ar我!
呢個真係我是旦夾ge效果...當然靚唔靚另計la....hahahahaaaaa~

我最愛 -- 薑蔥炒蟹

呢篇post....唔係分類為煮...因為...我負責食only~
呢碟薑蔥炒蟹，係出自我爸爸手架....hahaha

爸爸返左入大澳執home...咁呢...爸爸話大伯佢捉左蟹，咁拎左4隻出黎lu~
是晚我煮好飯，等爸爸返黎就cook 得la.....久違了ge 薑蔥炒蟹.......好好食ar~
不過咸左少少........海水味~
真係好好食.....我食唔停口...下次係幾時呢?
希望中秋la~

商戶評分篇之ENVi Bridal

肥人覺得網上資料太多，花多眼亂...所以商戶評分係絕對絕對非常重要的...因為呢d都係親身經歷，無花無假ma~我會用中肯ge 意見作出評分，希望可以幫到手忙腳亂ge 你la~ ~
ENVi Bridal  (五個為滿分)

haha....
終於都肯繼續寫商戶評分la我...今次到租衫ge ENVi Bridal!!

係2011 年ge 1月頭，我地仍然未打算係2011 年結婚架......某日我係fb度見到有廣告係ENVi Bridal~
咁click入去睇下la....唔知why...一睇幾鍾意....果時仲好似做緊開張優惠架~
打左電話去book左先......到上去前一兩日行行下街...有個女仔打黎，我其實呢...聽唔清楚佢講係邊間....但係講多兩講，我就知係ENVi Bridal.....老闆娘call我for confirm booking...我同佢講: 我可唔可以遲d 先上黎但hold 住優惠?因為我未買到Girdle ar
老闆娘好好ar，佢話可以借比我...if 我真係未買到.....但比我係上去前一日...係荃灣買到lu~

另外，我join ENVi Bridal.......maybe係我睇中ge 係同我高我少少ge 老闆娘la，因為佢同我講我地咁"高"，係出面真係好難搵衫架...佢都話佢自己出去睇過好多...都唔太岩.....
因為我一直都好擔心...我咁矮，點搵衫ar? 聽完老闆娘呢一句....勁有共嗚...即時再加分...2010年暑假，我陪朋友去睇過衫....件件都真係好長架~ ~ ~
同埋....我真係睇得出....其實老闆娘真係好有誠意架!
雖然話開間鋪都係想賺錢，but你會feel到老闆娘真係好真心架，呢種態度，真係好好ar~

就係咁，我就膽粗粗地join左一間新開，又接受我未有婚期ge ENVi Bridal~
故事就係咁la~~~

由join左到BD.....ENVi Bridal都出左好多....令我...想尖叫ge 新衫.....oh...no....真係架....睇完真係好想尖叫架!
明明由一開始試完衫話唔會轉ge 我....最後...得番婚紗有得留低....其他ge....都唔知去左邊la....haha~
如果唔係我老公覺得泡泡婚紗岩我，我一早轉埋lu~

係wo.....扣左一個笑wo...係因為呢.....有少少出錯!
其實唔係咩大錯...but 係當日，時間咁緊迫...呢個錯有少少接受唔到...不過ENVi Bridal ge 員工好快就送番過黎比我....就係........miss左鋼紗...
當日around 1530 送裙...係我去到酒樓ge 時候，裙已經到左...呢個係very gd!
一去到就可以換衫換妝...very gd!
去到班姊妹幫我整好d 裙....
當99黎搵裙時....班姊妹話搵唔到.....下......okok...call Joseph....Joseph即call佢另一個同事....過左唔夠五分鐘，佢有同事出現話係邊邊位架....咁班姊妹一搵就搵到.....好la...問題K.O.....繼續化妝......到我出去影完相la...又搞完一大輪，咁就返黎換婚紗準備註冊la...當亞Gi 問姊妹....見唔見鋼紗?跟住成班姊妹反轉間房都無.....果時真係有d 心急....想打比Joseph...但亞Gi 叫: 搵清楚d 先...岩岩已經搞錯左架la.....
班姊妹搵極都無...最後我又拎起電話打比Joseph....佢地另一個同事好快覆我話半個鐘內會送到....下....半個鐘ar.....我快註冊la........雖然有d 唔知點好...but finally...我條係泡泡婚紗黎架ma....怕咩wo?! 無鋼紗...無問題!
註冊完後.....ENVi Bridal就有同事送番鋼紗黎，我亦去換衫準備迎賓lu~

另一樣野，其實我覺得唔關老闆同老闆娘事....
話說我first fit 時有個女仔幫我量身wo，咁佢話我太瘦，要將d 衫以我身形去改...咁佢量好我三圍la~
咁到第二日，我睇ENVi Bridal...............下..走左ar尋晚幫我量身果個?
果時都十五十六要唔要去再量....but因為太忙...最後都算~
點知去final fit時就出事la......件件都唔岩著，通通都細左一吋...oh..no............
點算....好彩我係早左兩日去final fit咋....唔係就煩la.....真係無一件著到架......最後佢地話等改衫姐姐聽日返黎即幫我改.......安心晒~
其實都有可能係我係短短ge 一個月肥左一吋.......

final fit 完.....ENVi ge 同事們都好細心地幫我揀頭飾首飾，呢度ge 飾物...真係又夠多夠新....所以我完全一件飾物都無買過ar!
當晚仲人人都大讚我好靚女，d 衫好靚(雖然當晚新娘子一定係最靚架la...but 呢d 客奪說話我照單全收架!)
仲有個朋友因為我就去join左tim...佢話佢好鍾意我當晚d 衫ar~

雖然唔係滿分，但我其實係好滿意ENVi Bridal架~
真係十萬個THANKS~

商戶評分篇之Starlet Media Production Company

大肥人覺得網上資料太多，花多眼亂...所以商戶評分係絕對絕對非常重要的...因為呢d都係親身經歷，無花無假ma~
我會用中肯ge 意見作出評分，希望可以幫到手忙腳亂ge 你la~ ~

Starlet Media Production Company     (5個為滿分)

其實係BOOK 之前上網搵過資料....無咩BAD COMMENT....價錢又合理，SO我地揀左Starlet Media Production Company，你問我係咪揀錯...我會答你又唔係ge...but最好你自己跟緊少少!
特別係旺季ge 時候la~
我都係結婚前兩日，先收到攝影師ge 來電問rundown....but 其實...我一早send左比Adams架la...又係Adams 話旺季d 攝影師唔得閒，咩都由佢同新人傾..but 原來攝影師咩都唔知.....咁最後我直接send 左rundown比攝影師~
呢度我都覺得都ok ge......but 真係最好佢地自己內部跟緊少少la~
雖然你地係忙...but 新人都唔係太得閒架咋!
少問題...電話都send 到...算~

唔知係咪時間緊迫....有d 相都無咩影到...如係車入面....一張都無....亦可能係攝影師叫我地影時，我老公唔識就位....遮晒全個鏡頭，搞到車入面一張相都無...but 又真係無人教我地點就位wo~但其實我地無外影....時間...都ok 架~


唔知係咪我太多圍...有d 難control 及我無搵d 兄弟姊妹幫手安排暘相呢方面.......我覺得...攝影師....無咩熱誠.....maybe 佢地影太多BD la...真係無咩感覺掛?!
有d 後悔無join 2v....搞到d 相好少...but同老公又諗唔到有邊個位ge 相無左.....全日有記憶影過ge 相..通通都係度.....咁...真係咁少相?
話就話有1200pcs左右...but 其實好多都係double....around 700pcs左右la......
um...滿意?又唔係...唔滿足??又唔係......
即係......唔會介紹人join又唔會bad comment佢地咁囉~

不過都有相係幾好feel ge~

over all....都ok ge......